عقیدہ ختم نبوت اور قرآن مجید کا اسلوب بیان نمبر۲

[محمدابوبکرصدیق]

عقیدہ ختم نبوت اور قرآن مجید کا اسلوب بیان نمبر۲​

اب چند وہ آیات بھی ملاحظہ فرمائیے جن میں خدا تعالیٰ نے ماضی کے صیغہ میں انبیاء کا ذکر فرمایا ہے۔ جس سے ثابت ہوتا ہے کہ نبوت کا منصب جن لوگوں کو حاصل ہونا تھا وہ ماضی میں حاصل ہوچکا ہے اور انہی کا ماننا داخل ایمان ہے۔ آنحضرت ﷺ کے بعد کوئی ایسی شخصیت نہیں جس کو نبوت بخشی جائے اور اس کا ماننا ایمان کی جزولازمی قرار دی گئی ہو۔
(۱)…… ” قولوا آمنا باللہ وما انزل الینا وما انزل الی ابراھیم ۰ بقرہ 136 “(تم کہہ دو کہ ہم ایمان لائے اللہ پر اور جو اتراہم پر اور جو اترا ابراھیم پر۔)
(۲)…… ” قل آمنا باللہ وما انزل الینا وما انزل الی ابراھیم ۰ آل عمران 84 “(تو کہہ ہم ایمان لائے اللہ پر اور جو کچھ اترا ہم پر اور جو کچھ اترا ابراھیم پر۔)
(۳)…… ” انا اوحینا الیک کما اوحینا الی نوح والنبین من بعدہ و او حینا الی ابراھیم واسماعیل ۰ نساء 123 “(ہم نے وحی بھیجی تیری طرف جیسے وحیبھیجی نوح پر اور ان نبیوں پر جو اس کے بعد ہوئے۔ اور وحی بھیجی ابراھیم پر اور اسماعیل پر۔)
ان تینوں آیتوں میں اور ان جیسی اور آیات میں اللہ تعالیٰ نے ہمیں گذشتہ انبیاء اور ماضی کی وحی کو منوانے کا اہتمام کیا ہے۔ آنحضرت ﷺ کے بعد کسی کی نبوت ورسالت کو کہیں صراحۃً وکنایۃً ذکر نہیں فرمایا۔ جس سے صاف ثابت ہوگیا کہ جن جن حضرات کو خلعت نبوت ورسالت سے نوازنا مقدر تھا۔ پس وہ ہوچکے اور گزرگئے۔ اب آئندہ نبوت پر مہر لگ گئی ہے اور بعد میں نبوت کی راہ کو ابدالآ باد تک کے لئے مسدود کردیا گیا ہے اور اب انبیاء کے شمار میں اضافہ نہ ہوسکے گا۔

 

[محمدابوبکرصدیق]

عقیدہ ختم نبوت اور قرآن مجید کا اسلوب بیان نمبر۳ یہاں سے پڑھیں