موجودہ قادیانی جماعت کے سربراہ مرزا مسرور کے قریبی دوست انجینئر ناصر محمود نے قادیانیت سے تائب ہوکر انٹرنیشنل ختم نبوت موومنٹ پاکستان کے امیر اور رکن صوبائی اسمبلی مولانا محمد الیاس چنیوٹی کے ہاتھ پر اسلام قبول کرلیا ہے۔ اس موقع پر مرزا مسرور کے رضاعی بھتیجے نومسلم شمس الدین، انٹرنیشنل ختم نبوت موومنٹ کے مرکزی رابطہ سیکرٹری مولانا قاری محمد رفیق وجھوی، سید انیس شاہ اور بدر عالم ایڈووکیٹ بھی موجودتھے۔ قادیانیت سے تائب ہونے والے نومسلم انجینئر ناصر محمود نے کہا کہ میں نے قادیانیوں کی کتابوں اور لٹریچر کو پڑھا جس میں فریب کے سوا کچھ نہیں جس کے بعد اسلامی کتب اور عقیدہ ختم نبوت پر لٹریچر کو پڑھنے کے بعد اللہ تعالیٰ کی توفیق اور اپنی مرضی سے قادیانیت سے تائب ہو کر اسلام کو قبول کرنے کی سعادت حاصل کی ہے۔ انہوں نے کہا کہ اپنے خاندان اور دیگر قادیانیوں کو بھی دعوت ایمان دیتا ہوں کہ وہ بھی خاتم النبینؐ کی ختم نبوت پر ایمان لاتے ہوئے اسلام کو قبول کریں۔
مزید تفصیلات کے لیے اس لنک پر کلک کریں
مزید تفصیلات کے لیے اس لنک پر کلک کریں