کذبات مرزا ’’ایام الصلح‘‘ 125 (نبی کریمﷺ زندہ ، مرزا جی نے تمام رسولوں کو مردہ قرار دے دیا)
۱۲۵… ’’ ما المسیح ابن مریم الا رسول قد خلت من قبلہ الرسل سے موت (عیسیٰ علیہ السلام) ثابت ہوئی۔‘‘
(ایام الصلح ص۱۳۹، خزائن ج۱۴ ص۳۸۴)
ابوعبیدہ: مرزاقادیانی! عقل علم آپ کا کہاں ہے کہ اب بے تکی ہانکنے پر اتر آئے ہیں۔ اس آیت سے تو عیسیٰ علیہ السلام بوقت نزول آیت (بزمانہ رسول کریمﷺ) زندہ ثابت ہوتے ہیں۔ جیسا کہ ’’ ما محمد الا رسول قد خلت من قبلہ الرسول ‘‘ کے نزول کے وقت رسول پاکﷺ زندہ تھے۔ صرف نام کا فرق ہے۔ باقی الفاظ وہی ہیں۔ عجیب انصاف ہے آپ کا۔ ایک میں موت اور دوسری میں حیات ثابت کر رہے ہیں۔