مسلمانوں اور قادیانیوں میں وجہ نزاع
عقیدہ ختم نبوت کی اہمیت
نبوت بند ہے(مقدمہ)
عقیدہ ختم نبوت کی اہمیت
نبوت بند ہے(مقدمہ)
ختم نبوت اسلام کی اساس اور اہم ترین بنیادی عقیدہ ہے دین اسلام کی پوسری عمارت اس عقیدہ پر کھڑی ہے ۔یہ ایک حساس عقیدہ ہے کہ اس میں شکوک و شبہات کا ذرا سا بھی رخنہ پیدا ہو جائے تو ایک مسلمان نہ صرف اپنی متاع ایمان کھو بیٹھتا ہے بلکہ وہ حضرت محمد ﷺ کی امت سے بھی خارج ہو جاتا ہے ۔ایمان و ہدایت محض نبی کریم ﷺ کو سچا جاننے کا نام نہین بلکہ آپ ﷺ کی نبوت و رسالت کو اآخری تسلیم کرنا ،ایمان و ہدایت کی بنیاد ہے ۔قرآن مجید کی ایک سو سے زائد آیات مبارکہ اور حضورنبی کریم ﷺ کی تقریباً دو سو دس احادیث مبارکہ اس بات پر دلالت کرتی ہیں کہ حضور علیہ الصلوۃ والسلام قیامت تک اللہ تعالیٰ کے آخری نبی اور رسول ہیں ۔اس عقیدے سے انکار یقیناً کفر و ارتداد ہے جس سے کوئی تاویل نہیں بچا سکتی ۔ صحابہ کرام سے لے کر آج تک امت مسلمہ کا اس پر اجماع ہے ۔عقیدہ ختم نبوت کا منکروہی شخص ہو سکتا ہے جو حضور نبی کریم ﷺ کی نبوت پر ایمان نہ رکھتا ہو کیونکہ اگر یہ شخص آپ ﷺ کی رسالت کا قائل ہوتا تو جن چیزوں کی آپ ﷺ نے خبر دی ہے ،ان میں آپ ﷺ کو سچا سمجھتا۔ جن دلائل اور طریق تواتر سے آپ ﷺ کی رسالت نبوت اور دعوت ہمارے لیے ثابت ہوئی ہے ٹھیک اسی درجہ کے تواتر سے یہ بات بھی ثابت ہوئی ہے کہ آپ ﷺ آخری نبی ہیں ۔اب قیامت تک کوئی نیا نبی نہ ہو گااور جس شخص کو ختم نبوت کے اس مفہوم میں شک ہو ،اسے خود رسالت محمدی ﷺ میں یقیناً شک ہو گا۔
مسلمانوں اور قادیانیوں کے مابین اولین وجہ علیحدگی ، آنجہانی مرزا غلام احمد قادیانی کا دعویٰ نبوت ہے ہم تاسف کے ساتھ یہ کہنے پر مجبور ہیں کہ مرزا قادیانی اور ان کی امت کا رویہ زیر بحث مسئلہ میں دیانت اور مذہبی تقدس کی نفی کے مترادف ہے ۔قادیانی امت کا قادیانی ربوی فرقہ اگرچہ قطعی طور پر مرزا قادیانی کو نبی تسلیم کرتا ہے اور ان کا لاہوری مرزائیوں سے نزاع اسی عنوان پر ہے بیسیوں مناظرے اس دونوں گروہوں کے مابین ہو چکے ہیں اور قادیانیلاہوری مرزائیوں کو مرزا غلام احمد قادیانی کی تعلیمات سے منحرف قرار دینے کی سب سے بڑی وجہ اسی مر کو قرار دیتے ہیں کہ لاہوری گروہ 1914ء میں مرزا محمود سے شکست کھانے کے بعد مرزا قادیانی کی نبوت سے انکار کر دیا تھا اور اب تک وہ اسی طرز کو اپنائے ہوئے ہیں ۔حالانکہ 1913 ء تک تمام لاہوری مرزائی ،اہل قادیان و ربوہ ہی کی طرح مرزا قادیانی کو نبی اور رسول تسلیم کرتے تھے ۔
اسی طرح قادیانی تمام امت مسلمہ کو کافر اور دائرہ اسلام سے خارج قرار دیتے ہیں اور اس کی سب سے بڑی دلیل ان کے ہاں یہ ہے کہ مسلمان مرزا قادیانی کی نبوت کے منکر ہیں ۔یہی نہیں بلکہ قادیانی مسلمانوں کا مذہبی سوشل اور معاشرتی بائیکاٹ بھی اسی وجہ سے کیے ہوئے ہیں کہ مسلمان اس وقت کے نبی کے منکر ہیں ۔
امت کے اس تیرہ سو سالہ اجتماعی ایمان و عقیدے ہی کا نتیجہ تھا کہ مرزا قادریانی ایسا شخص جو اپنے اقوال و اعمال کی قطعی شہادتوں کے باعث اس معاملے میں انتہائی خائن شخص ثابت ہوا ،اپنی تمام ترضلالت کے باوجود اپنے ابتدائی دعویٰ الہام ۔ ۔۔ ۔ زمانہ براہین احمدیہ۔ ۔ ۔ ۔ ۔ کے ربع صدی بعد تک اسی مفہومِ ختم نبوت کو پیش کرتا رہا ۔
ملاحظہ فرمائیں چند واضح اعترافات
آخری تدوین
: