منطق

[aliali]

منطق:
نطق کا مصدر میمی ہےاس کے معنی "بولی اور گفتگو"ہے جیسے کے قرآن میں اس کا استعمال کیا گیا ہے"و علمناہ منطق الطیر"
اور اصطلاح میں منطق ایک فن ہے جو مناظرے میں آداب گفتگو اور اصول گفتگو کو متعین کرتاہے
اور اس کی غایت یہ ہے کہ انسان کی سمجھ خطا سے بچ سکے۔یا یوں بھی کہا جاسکتا ہےکہ ہر علم کی حدود ہیں اور اس کی حد یہ ہے کہ نفس طریقہ استدلال اور ترتیب مقدمات میں جو غلطی ہوتی ہےاس کی اصلاح ہو سکے۔۔۔۔جاری ہے

 

[مبشر شاہ]

منطق کی لغت کے بارے ایک تحقیق

مَنْطِق {مَن + طِق} (عربی)
ن ط ق، مَنْطِق
عربی زبان میں ثلاثی مجردکے باب سے مشتق اسم ہے۔ اردو میں اپنے اصل معنی و ساخت کے ساتھ بطور اسم استعمال ہوتا ہے۔ 1707ء کو "کلیات ولی" میں مستعمل ملتا ہے۔
اسم کیفیت (مؤنث - واحد)
واحد غیر ندائی: مَنْطِقیں {مَن + طِقیں (ی مجہول)}
جمع غیر ندائی: مَنْطِقوں {مَن + طِقوں (و مجہول)}
معانی
1. گویائی، گفتگو، بات چیت، بول چال، لہجہ، تلفظ، زبان۔
"جہاں زورِ بیان اور جوشِ بیان اور منطق کی بات آئی قاری کا عدم یقین اور بھی زور مارنے لگتا ہے۔"، [1]
2. مصاحت، خوش کلامی، طلاقت لسانی، معقول اور موثر گفتگو۔ (ماخوذ فرہنگ آصفیہ، نوراللغات)
3. وہ اصول جو ذہن کو خطائے فکر سے بچاتے ہیں صحیح فکر سکھانے والا علم، علمی دلیلوں سے استدلال کے قاعدوں اور ضابطوں کا علم۔
"کیا سبب ہے ہم عام انسان اپنے عزیزوں اور قربیوں کی موت پر بے حال ہو جاتے ہیں منطق اس کا جواب نہیں دے پائی۔"، [2]
4. دلیل و حجت سے استدلال کرنا۔
"خلیج میں فتح کی شہرت کے باوجود کسی بھی منطق سے یہ بات ممکن دکھائی نہیں دیتی کہ امریکہ دینا پر اپنی حاکمیت قائم کر سکے گا۔"، [3]
انگریزی ترجمہ
an oration; eloquence; logic, reasoning
مترادفات
نُطْق، گُفْتَگُو، بات،
مرکبات
مَنْطِقُ الطَّیر، مَنْطِقِ اِلٰہی، مَنْطِق آمیز، مَنْطِق باز، مَنْطِق پَرَسمت، مَنْطِقِ طَبِیعی، مَنْطِقِ عَقْلِیَہ، مَنْطِقِ قِیاسی، مَنْطِق گَزِیدَہ
حوالہ جات

1. ↑ ( 1979ء، اثبات و نفی، 113 )
2. ↑ ( 2000ء، وفا کر چلے، 433 )
3. ↑ ( 1991ء، نیا عالمی نظام اور پاکستان 20 )