مرزاغلام قادر بیگ کے بارے ایک وضاحت
یہاں مرزاغلام قادر بیگ صاحب رحمۃ اللہ تعالیٰ علیہ سے مرزا قادیانی کا بھائی مُراد نہیں ،کیونکہ وہ 1883ء /۱۳۰۱ھ میں فوت ہوگیا تھاجبکہ اعلیٰ حضرت کے اُستاذِ محترم مرزاغلام قادر بیگ صاحب رحمۃ اللہ تعالیٰ علیہ کی پیدائش یکم محرم ۱۲۴۳ھ / 25جولائی 1827ء کی ہے اور سنِ وفات یکم محرم ۱۳۳۶ھ /18 اکتوبر1917ء ہے ۔مولانا مرزا غلام قادربیگ رحمۃ اللہ تعالیٰ علیہ نے اعلیٰ حضرت علیہ رحمۃ رب العزّت کے پاس ایک استفتا بھیجا، جس کے جواب میں اعلیٰ حضرت علیہ رحمۃ رب العزّت نے۱۳۰۵ھ میں تاریخی نام سے ایک رسالہ لکھاتجلی الیقین بان نبینا سید المرسلین(۱۳۰۵ھ)۔ پھریہی مولانامرزا غلام قادربیگ 1310ھ میں کلکتہ سے استفسار کرتے ہیں، پھر1311ھ اور 1312ھ میں کلکتہ ہی سے فتویٰ طلب کرتے ہیں ۔ پھر کلکتہ ہی سے 1314ھ میں اعلیٰ حضرت علیہ رحمۃ رب العزّت سے سوال کرتے ہیں۔ یہ فتوے، فتاویٰ رضویہ ، جلد 22 ، ص152، فتاویٰ رضویہ (قدیم)،جلد 3 ص32۔فتاویٰ رضویہ، جلد 11، ص45 (رضا فاؤنڈیشن لاہور)پر موجود ہیں، یہ کیسے ہوسکتا ہے کہ جو شخص 1301ھ میں فوت ہو اور پھر دوبارہ 1305ھ میں زندہ ہو جائے اورکئی سال تک فتوے طلب کرے؟ (ماخوذ از معارفِ رضا)