کذبات مرزا ’’ازالہ اوہام‘‘ 63 (مسیحؑ کی وفات کا مرزا کو کہاں سے پتا چلا؟)
۶۳… ’’بلکہ سچ تو یہ ہے کہ کسی نبی کی وفات ایسی صراحت سے قرآن کریم میں نہیں لکھی۔ جیسی مسیح ابن مریم کی۔‘‘
(ازالہ اوہام ص۷۰۰، خزائن ج۳ ص۴۷۷)
ابوعبیدہ:صریح جھوٹ! اگر قرآن کریم میں وفات مسیح کا واقعہ ہو جانا مذکور ہوتا اور پھر حسب دعویٰ مرزاقادیانی صراحت سے بھی مذکور ہوتا تو خود بدولت ۵۲برس تک کیوں اس صریح خبر کے خلاف حیات عیسیٰ علیہ السلام کے عقیدہ پر قائم رہے۔ پھر لطف یہ کہ مرزاقادیانی کو قرآن کریم کی مدد سے وفات مسیح کا پتہ نہیں لگا۔ بلکہ الہام کے ذریعہ سے جیسا کہ فرماتے ہیں: ’’میرے پر خاص اپنے الہام سے ظاہر کیا کہ مسیح ابن مریم فوت ہو چکا ہے۔ چنانچہ اس کا الہام یہ ہے۔ مسیح ابن مریم رسول اﷲ فوت ہوچکا ہے۔‘‘
(ازالہ اوہام ص۵۶۱، خزائن ج۳ ص۴۰۲)