کذبات مرزا ’’ایام الصلح‘‘ 132 (ومنکم من یتوفی و منکم۔۔۔ اور مرزا قادیانی کا دجل و فریب)
۱۳۲… ’’اور ایسا ہی آیت ’’ ومنکم من یتوفی ومنکم من یرد الیٰ ارزل العمر ‘‘ سے حضرت عیسیٰ علیہ السلام کی موت ثابت ہوتی ہے۔‘‘
(ایام الصلح ص۱۴۰، خزائن ج۱۴ ص۳۸۵)
ابوعبیدہ: جھوٹ محض ہے۔ اس آیت کا حضرت عیسیٰ علیہ السلام سے کوئی تعلق نہیں سکھا شاہی اچھی نہیں۔ ابھی تک حضرت عیسیٰ علیہ السلام کی عمر حضرت خضر علیہ السلام سے زیادہ تو نہیں۔ حالانکہ خضر علیہ السلام کو حضرت شیخ عبدالقادر جیلانیؒ کی زندگی تک آپ بھی زندہ مانتے ہیں۔ (ازالہ اشتہار ص۵، خزائن ج۳ ص۴۲۹) پر آپ نے اپنے خلیفہ اوّل کا مضمون نقل کیا ہے۔ اس میں حضرت خضر علیہ السلام زندہ تسلیم کئے گئے ہیں۔ جو دوہزار سال سے بھی اوپر بنتے ہیں۔