• Photo of Milford Sound in New Zealand
  • ختم نبوت فورم پر مہمان کو خوش آمدید ۔ فورم میں پوسٹنگ کے طریقہ کے لیے فورم کے استعمال کا طریقہ ملاحظہ فرمائیں ۔ پھر بھی اگر آپ کو فورم کے استعمال کا طریقہ نہ آئیے تو آپ فورم منتظم اعلیٰ سے رابطہ کریں اور اگر آپ کے پاس سکائیپ کی سہولت میسر ہے تو سکائیپ کال کریں ہماری سکائیپ آئی ڈی یہ ہے urduinملاحظہ فرمائیں ۔ فیس بک پر ہمارے گروپ کو ضرور جوائن کریں قادیانی مناظرہ گروپ
  • Photo of Milford Sound in New Zealand
  • Photo of Milford Sound in New Zealand
  • ختم نبوت فورم پر مہمان کو خوش آمدید ۔ فورم میں پوسٹنگ کے لیے آپ کو اردو کی بورڈ کی ضرورت ہوگی کیونکہ اپ گریڈنگ کے بعد بعض ناگزیر وجوہات کی بنا پر اردو پیڈ کر معطل کر دیا گیا ہے۔ اس لیے آپ پاک اردو انسٹالر کو ڈاؤن لوڈ کر کے اپنے سسٹم پر انسٹال کر لیں پاک اردو انسٹالر

CorelDRAW میں تصویر کی بیک گراؤنڈ ختم کریں

محمدابوبکرصدیق

ناظم
پراجیکٹ ممبر
CorelDRAW میں تصویر کی بیک گراؤنڈ ختم کریں

CorelDRAW میں مختلف ٹولز استعمال کرتے ہوئے تصویر کی بیک گراؤنڈ غائب کی جا سکتی ہے۔ یعنی تصویر میں موجود کوئی بھی چیز الگ کر کے اسے کسی نئے ڈیزائن کا حصہ بنایا جا سکتا ہے۔ کورل ڈرا میں تصویر کو اس انداز سے Crop کرنے کا طریقہ یہ ہے کہ Shape ٹول کی مدد سے تصویر کی دیواروں پر Nodes بنائی جاتی ہیں، اور پھر ان نوڈز کے درمیان موجود تصویر کی دیواروں کو آبجیکٹ کی شکل کے اعتبار سے گولائی میں بدلا جاتا ہے۔ یوں آبجیکٹ کے علاوہ تصویر کا باقی حصہ غائب ہو جاتا ہے۔ اس ٹٹوریل میں ایک تصویر کی بیک گراؤنڈ ختم کر کے اس میں سے کار الگ کی گئی ہے، جسے کسی بھی ڈیزائن میں اس کی بیک گراؤنڈ کے بغیر استعمال کیا جا سکتا ہے۔
درج ذیل آپ دیکھ رہے ہیں کہ کراپ کی جانے والی کار کو ایک رسالے کے سرورق پر استعمال کیا گیا ہے۔
1.png
آئیں کورل ڈرا میں تصویر کراپ کرنے کا عمل دیکھتے ہیں:

  1. اگر آپ اپنا ڈیزائن پرنٹ کے لیے تیار کرنا چاہتے ہیں تو پھر Units ڈراپ ڈاؤن مینیو میں سے Inches منتخب کریں، اور اگر یہ ڈیزائن اسکرین کے لیے ہے تو پھر ڈراپ ڈاؤن مینیو میں سے Pixels کو پیمائش کے یونٹ کے طور پر منتخب کریں۔
  2. اس کے بعد اوپر اسٹینڈرڈ بار پر موجود Import آئیکان پر کلک کر کے مطلوبہ تصویر کورل ڈرا میں لے آئیں۔ امپورٹ آپشن File مینیو میں بھی موجود ہے۔
2.png
  1. پہلے تسلی کر لیں کہ پراپرٹی بار پر تناسب کے اعتبار سے سائز تبدیل کرنے والا آپشن منتخب ہے۔
  2. امپورٹ ہونے والی تصویر کے لیے سائز مقرر کریں۔
  3. پھر اسٹینڈرڈ بار پر موجود ڈراپ ڈاؤن مینیو میں سے To Fit آپشن منتخب کر کے مکمل تصویر سامنے لائیں۔
3.png
درج ذیل اسکرین شاٹ میں تصویر کی بیک گراؤنڈ ختم کرنے کا عمل شروع کیا جا رہا ہے:

  1. ٹول بار سے Shape ٹول منتخب کریں۔ اس کی مدد سے ہم تصویر کی دیواروں پر Nodes بنائیں گے۔
  2. تصویر کے جس طرف بیک گراؤنڈ کا زیادہ حصہ ہو، اس کی دیوار پر ماؤس کے ساتھ ڈبل کلک کر کے ایک نوڈ بنائیں۔
  3. تصویر کے دوسری جانب دیوار پر ڈبل کلک کر کے ایک اور نوڈ بنائیں۔
  4. اب تصویر کے کونے پر موجود نوڈ کو ماؤس کے ساتھ پکڑ کر اندر کی طرف ڈریگ کریں۔
4.png
درج ذیل تصویر میں آپ دیکھ سکتے ہیں کہ تصویر کے ایک کونے کی بیک گراؤنڈ کا کافی حصہ غائب ہو چکا ہے۔ اب ہم نے تصویر کی دیواروں پر Shape ٹول کی مدد سے حسب ضرورت نوڈز بنانی ہیں، اور پھر ان نوڈز کو ماؤس کے ساتھ پکڑ کر کار کے کناروں کے بالکل ساتھ لے کر آنا ہے۔
ٹول بار سے Zoom ٹول منتخب کریں، اور پھر تصویر کا ایک حصہ سلیکٹ کر کے قریب لائیں تاکہ اس پر بہتر طریقے سے کام کیا جا سکے۔
5.png
ہم نے کرنا یہ ہے کہ کار کی گولائی والے حصے کے دونوں طرف نوڈز بنانی ہیں۔ اور پھر ان نوڈز کے درمیان موجود لائن کو کار کی شکل کے مطابق گولائی میں تبدیل کرنا ہے۔ درج ذیل اسکرین شاٹ کے مطابق ایک نوڈ کو گولائی کے دائیں طرف لائیں، جبکہ دوسری نوڈ کو گولائی کے بائیں جانب لائیں۔
6.png
جب دونوں نوڈز کار کے کناروں کے ساتھ مل جائیں، تو پھر درمیان میں موجود لائن پر ماؤس کے ساتھ رائٹ کلک کر کے مینیو کھولیں، اور پھر اس مینیو میں سے Curve آپشن پر کلک کریں۔
7.png
اب ماؤس کے ساتھ لائن کو درمیان سے پکڑ کر باہر کی طرف کھینچیں، تاکہ وہ کار کی شکل کے مطابق گولائی میں آجائے۔
8.png
اسی طرح آپ آبجیکٹ کے ہر طرف نوڈز بناتے جائیں گے، اور ان نوڈز کے درمیان والی لائن کو آبجیکٹ کی شکل کے مطابق گولائی میں تبدیل کرتے جائیں گے۔ یوں آبجیکٹ کے گرد موجود بیک گراؤنڈ غائب ہو جائے گی۔
9.png
آبجیکٹ کے مختلف حصوں پر آپ کو بہت کم فاصلے پر نوڈز بنانا پڑ سکتی ہیں۔ جتنا باریکی کے ساتھ آپ نوڈز بنا کر انہیں گولائی میں تبدیل کریں گے، آپ کے کام کا نتیجہ اتنا ہی صاف اور معیاری ہوگا۔
10.png
(پوسٹ جاری ہے ۔ بقیہ اسی لڑی کے دوسرے مراسلے میں)
 

محمدابوبکرصدیق

ناظم
پراجیکٹ ممبر
بقیہ : CorelDRAW میں تصویر کی بیک گراؤنڈ ختم کریں

درج ذیل اسکرین شاٹ میں دیکھا جا سکتا ہے کہ کار کے گرد موجود بیک گراؤنڈ غائب ہو چکی ہے۔ اب ہم نے اس کار کے نیچے سایہ بنانا ہے تاکہ اسے زیادہ سے زیادہ حقیقی روپ دیا جا سکے۔
  1. ٹول بار سے Ellipse ٹول منتخب کر کے ایک بیضہ بنائیں۔
  2. اس بیضے کے لیے کلر پیلیٹ سے گہرا رنگ منتخب کریں۔
  3. ٹول بار سے Drop Shadow ٹول منتخب کر کے اس بیضے کا سایہ بنائیں۔
  4. ٹول بار سے Pick ٹول منتخب کر کے بیضے کے اوپر دو مرتبہ کلک کریں جس سے اس پر سلیکشن کے تیروں والے نشانات ظاہر ہوں گے۔ اب کنارے والے سلیکشن کے نشان کو ماؤس کے ساتھ پکڑ کر گھما لیں۔ اس کے بعد بیضے کو پکڑ کر کار کے سامنے والے حصے پر لے آئیں۔
11.png
ہمیں بیضہ نہیں چاہیے بلکہ صرف اس کا سایہ چاہیے۔ درج ذیل اسکرین شاٹ کے مطابق:

  1. بیضہ سلیکٹ کر کے Arrange مینیو میں Break Drop Shadow آپشن پر کلک کریں۔ اب اسکرین پر کسی خالی جگہ پر کلک کریں تاکہ بیضہ اور اس کا سایہ سلیکشن میں نہ رہیں۔ اب نئے سرے سے بیضہ سلیکٹ کر کے کی بورڈ پر Delete بٹن دبا دیں۔
  2. آپ دیکھیں گے کہ سایہ آبجیکٹ کے اوپر ہوگا۔ اسے آبجیکٹ کے پیچھے لے جانے کے لیے Arrange مینیو میں موجود Order مینیو کے تحت Back One آپشن پر کلک کریں۔
12.png
اسی طریقے سے کار کی سائیڈ کے نیچے سایہ بنانے کے لیے Rectangle ٹول کی مدد سے ڈبہ بنائیں۔
13.png
 
Top