ڈاکٹر ہانی

السلام علیکم ورحمۃ اللہ و برکاتُہ!
امید قوی ہے کہ مزاج شریف بخیرو عافیت ہونگے انشاء اللہ ، اور آپ بھی اُن ہزاروں خوشنصیبوں کی طرح اللہ تبارک و تعٰالیٰ کی پیدا کردہ نعمتوں سے اور رحمتوں سے دل افروز ہو رہے ہونگے اور میری یہ دعا ہے کہ اللہ تبارک و تعٰالیٰ محمد عربی ﷺ ( خاتم النبیین و رحمۃ اللعٰالمین ﷺ ) کے صدقے آپکی زندگی کے باغ کی بہاروں میں خوشیوں کے ایمان بھرے پھول سجائے آمین اور ان پھولوں کو آپ ﷺ کی عقیدت و عشق رسول ﷺ کی خوشبو سے معطر فرمائے آمین - اور اللہ جل شانہُ ان پھولوں کو بدعت و گناؤں کی آندھیوں اور دکھوں کی خزاؤں کیساتھ غموں کے بھنوروں سے بچائے آمین۔
خاکسار کا نام محمد حنیف مغل (کچھی) اور کنیت ہانی ہے ، پیشے کے لحاظ سے تاجر اور ترجمان ہے جبکہ تعلیمی اور تدریسی اعتبار سے طب کے شعبے سے منسلک رہا ہے۔عرصہ دراز کم و بیش عوامی جمہوریہ چین میں رہائش پذیر ہے۔ مکتبہ فکر کی بنیادالحمدُللہ بریلویت ہے۔
ہم سُخنی کے لحاظ سے شاعرانہ رموز اوقاف سے بھی شنیدگی ہے اور نعتیہ کلام لکھنے کا بھی شرف حاصل ہوا ہے۔
مطالعہ کے لحاظ سےعلوم دُنیاوی سمیت دینوی علوم کے مطالعے کیساتھ ساتھ صوفیت پر بھی مطالعہ رہا ہے۔ خاص کر علوم ظاہری کے ساتھ ساتھ علوم باطنی کا بھی شغف حاصل ہے۔
آپ ﷺ کی ناموس اور حرمت کی خاطر اس گناہ گار کی ایک جان کیا ہزاروں جانیں بھی ہوں تو حاضر ہیں۔ لبیک یا رسول اللہ ﷺ

لبیک یا رسول ﷺ