(آخری بات بھی صاف نہیں کی؟)

[محمدابوبکرصدیق]

(آخری بات بھی صاف نہیں کی؟)
​

جناب یحییٰ بختیار: اچھا آخری بات وہی جو کل آپ نے کی۔ وہ بھی آپ نے Clear (صاف) نہیں کی۔ کیونکہ سپیکر صاحب بھی ابھی میرے خیال میں ابھی پانچ منٹ بھی نہیں دینا چاہتے اور آپ نے کل کہا جو ایک شخص کسی نبی کو نہیں مانتا، اﷲ کے نبی کو، تو وہ گناہ گار ہو جاتا ہے، کافر نہیں ہوتا۔ آنحضرتﷺ کے علاوہ۔ میں نہیں کہتا کہ نبی کریمﷺ ہمارے جو ہیں، نہیں، ان کا میں نہیں کہہ رہا۔ جیسے حضرت عیسیٰ علیہ السلام ہیں یا حضرت موسیٰ علیہ السلام ہیں۔ جو ان کو نہیں مانتا۔ کہتاہے ’’میں مسلمان ہوں، لا الہ الااﷲ محمد رسول اﷲ ، مگر عیسیٰ علیہ السلام کو بالکل میں نہیں مانتا۔وہ شرابی کبابی تھا یا جھوٹا تھا۔‘‘ یا یہ ایسی کوئی بات کہہ جاتا ہے، نعوذ باﷲ! توپھر وہ تو کافر نہیں ہوتا؟ آپ نے کہا کہ وہ کفر سے نیچے کیٹگری میں آ جاتا ہے۔ گناہ گار ہوتا ہے، یہ درست ہے؟
جناب عبدالمنان عمر: میں نے عرض یہ کیا تھا… میں پھر Repeat (دہراتا) کر دیتاہوں، 1847شاید بات صاف ہو جائے گی… کہ کفر کی دو قسمیں ہیں۔ دو قسم کا کفر ہے۔ ایک کفر یہ ہوتاہے کہ محمد رسول اﷲﷺ کا لاالہ الااﷲ محمدرسول اﷲ کا انکار کرے۔ یہ میرے نزدیک سب سے بڑا کفر ہے…
جناب یحییٰ بختیار: بڑا کفر ہے، ٹھیک ہے۔ یہ آپ نے درست کہا۔
جناب عبدالمنان عمر: جی ہاں۔ اس کے بعد سینکڑوں مدارج ہیں کفر کے، چھوٹے بڑے بہت سے مدارج۔
جناب یحییٰ بختیار: میں سمجھ گیا ہوں جی۔ یہی بات میں کر رہا ہوں آپ پھر اسے Repeat ( دہرا) رہے ہیں۔
جناب عبدالمنان عمر: ہاں، میں بالکل وہی عرض کر رہا ہوں…
جناب یحییٰ بختیار: ہاں جی۔
جناب عبدالمنان عمر: …کہ میرے نزدیک ایک کفر جو ہے، حقیقی کفر جس کو میں کہتا ہوں…
جناب یحییٰ بختیار: ہاں، یہ دوسرے درجے کا کفر ہو گیا جو کسی نبی کو نہیں مانتا؟
جناب عبدالمنان عمر: ہاں جی،محمد رسول اﷲa کے علاوہ۔
جناب یحییٰ بختیار: ہاں جی، اور آپ نے یہ بھی کہا کہ اﷲ، رسول کا حکم ہے کہ مسیح موعود آئے گا اور جو ان کو نہیں مانتا وہ اﷲ رسول کو نہیں مانتا۔ تو جو ان کو نہیں مانتا آپ کے عقیدے کے مطابق وہ بھی وہ چھوٹے درجے کے کفر میں آگیا؟
جناب عبدالمنان عمر: گناہ گار ہو گیا۔
جناب یحییٰ بختیار: گناہ گار ہو گیا۔ یعنی کفر کا چھوٹا درجہ جو ہے؟
جناب عبدالمنان عمر: ہاں،گناہ گا ر کے معنوںمیں۔
1848جناب یحییٰ بختیار: یہ، یہ بھی آپ نے تسلیم کر لیا؟
جناب عبدالمنان عمر: جی ہاں۔
جناب یحییٰ بختیار: پھر میں نے آپ سے پوچھا کہ ’’حقیقی مسلمان‘‘ کون ہوتے ہیں؟
جناب عبدالمنان عمر: جی۔