(انگریز کا خود کاشتہ پودا)

[محمدابوبکرصدیق]

(انگریز کا خود کاشتہ پودا)
​

جناب یحییٰ بختیار: وہ لمبا ہے، اس میں سے پھر وہ آخیر میں التماس کرتے ہیں: ’’التماس ہے کہ سرکار دولت مدار ایسے خاندان کی نسبت جس کو پچاس برس کے متواتر تجربے سے ایک وفادار، جان نثار خاندان ثابت کر چکی ہے اور جس کی نسبت گورنمنٹ عالیہ کے معزز حکام نے ہمیشہ مستحکم رائے سے اپنی چٹھیات میں یہ گواہی دی ہے کہ وہ قدیم نے سرکار انگریزی کے پکے خیرخواہ اور خدمت گزار ہیں۔ اس خود کاشتہ پودے کی نسبت نہایت حزم اور احتیاط اور تحقیق اور توجہ سے کام لے اور اپنے ماتحت حکام کو اشارہ فرمائے کہ وہ بھی اس خاندان کی ثابت شدہ وفاداری اور اخلاص کا لحاظ رکھ کر مجھے اور میری جماعت کو ایک خاص عنایت اور مہربانی کی نظر سے دیکھیں۔ ہمارے خاندان سے سرکار انگریزی کی راہ میں اپنے خون بہانے اور جان دینے سے فرق نہیں کیا اور نہ اب فرق ہے۔ لہٰذا ہمارا حق ہے کہ ہم خدمات گزشتہ کے لحاظ سے سرکار دولت مدار کی پوری عنایات اور خصوصیات کی توجہ کی درخواست کریں۔ تاکہ ہر شخص بے وجہ ہماری آبروریزی کے لئے دلیری نہ کر سکے اور کسی قدر اپنی جماعت کے نام ذیل میں لکھتا ہوں…‘‘
تو مرزاصاحب یہاں، ’’ایک خود کاشتہ پودا… انگریز‘‘ کا کہہ رہے ہیں۔ یہ کن کی طرف اشارہ ہے؟
مرزاناصر احمد: اپنے اس خاندان کی طرف جو پہلے گزر چکا۔
جناب یحییٰ بختیار: یا جماعت کی طرف؟
1181مرزاناصر احمد: نہیں، نہیں جماعت نے، میں آپ کو یقین دلاتا ہوں، ایک دھیلا کبھی انگریز سے نہیں لیا اور نہ کبھی جماعت نے چار مربع زمین لی جو بعض دوسرے علماء نے لی اس وقت۔
جناب یحییٰ بختیار: نہیں، نہیں، مربعوں سے تو کسی کو Protection (تحفظ)…
مرزاناصر احمد: اور جو، دیکھیں ناں، یہ تو اس کے آخری فقرے جو ہیں، وہ خود اپنا جواب ہیں۔
جناب یحییٰ بختیار: دونوں چیزیں ہیں، مرزاصاحب! میں آپ کو پڑھ کر سناتا ہوں، میں نہیں کہتا کہ میں ٹھیک سمجھ رہا ہوں۔ میں اس واسطے یہ Clarification (وضاحت) چاہ رہا ہوں کہ وہ خاندان کا ذکر کرتے ہیں اور بہت زیادہ ذکر کرتے ہیں…
مرزاناصر احمد: مطالبہ کیا کرتے ہیں؟
جناب یحییٰ بختیار: نہیں، وہ ساتھ ہی کہہ رہے ہیں…
مرزاناصر احمد: نہیں، مطالبہ کیا کرتے ہیں؟… کہ لوگ ہماری بے عزتی نہ کیا کریں۔