مسیح جیسا مقرب بندہ

[محمود بھائی]

مرزا غلام احمد قادیانی نے اپنی دانست میں مسلمانوں اور عیسائیوں کو غور کرنے کی دعوت دیتے ہوئے تسلیم کر لیا کہ حضرت عیسی علیہ السلام جسم و روح سمیت جنت میں چلے گئے ہیں ۔ مسیح جیسا مقرب بندہ کے الفاظ واضح ہیں کیونکہ مسیح اور بندہ روح کو نہیں کہتے ۔
پھر اسی صفحے پر مرزا غلام احمد قادیانی نے قل سبحان ربی کی نہایت غلط تفسیر بیان کی ہے جبکہ اس آیت کا اصل مفہوم یہ ہے ۔
مطلب یہ ہے کہ میرے رب کے اندر تو ہر طرح کی طاقت ہے، وہ چاہے تو تمہارے مطالبے آن واحد میں لفظ ' کُنْ ' سے پورے فرما دے۔ لیکن جہاں تک میرا تعلق ہے میں تو (تمہاری طرح) ایک بشر ہوں ۔ کیا کوئی بشر ان چیزوں پر قادر ہے؟ جو مجھ سے مطالبہ کرتے ہو ۔ ہاں، اس کے ساتھ میں اللہ کا رسول بھی ہوں ۔ لیکن رسول کا کام صرف اللہ کا پیغام پہنچانا ہے، اور وہ میں نے پہنچا دیا اور پہنچا رہا ہوں ۔ لوگوں کے مطالبات پر معجزات ظاہر کر کے دکھانا یہ رسالت کا حصہ نہیں ہے۔ البتہ اگر اللہ چاہے تو صدق رسالت کے لئے ایک آدھا معجزہ دکھا دیا جاتا ہے لیکن لوگوں کی خواہشات پر اگر معجزے دکھانے شروع کر دیئے جائیں تو یہ سلسلہ کہیں بھی جا کر نہیں رک سکے گا ہر آدمی اپنی خواہش کے مطابق نیا معجزہ دیکھنے کا آرزو مند ہوگا اور رسول پھر اسی کام پر لگا رہے گا تبلیغ ودعوت کا اصل کام ٹھپ ہو جائے گا اس لیے معجزات کا صدور صرف اللہ کی مشیت سے ہی ممکن ہے اور میں بھی اس کی مشیت میں دخل اندازی کا مجاز نہیں ۔

 

[مبشر شاہ]

قادیانیوں کی یہ سمجھ نہیں آتا کہ اللہ خود ارشاد فرماتا ہے کہ ان اللہ علی کل شی قدیر اللہ ہر چیز پر قادر ہے ۔ اگر اللہ ہر چیز پر قادر ہے تو وہ عیسیٰ علیہ السلام کو آسمان پر لے جانے میں بھی قادر ہے اور اتارنے پر بھی قادر ہے