مکھی کیوں پیدا کی گئی؟
ایک دن خلیفہ بغداد ابوجعفرمنصور اپنے تخت شاہی پر انتہائی متکبرانہ انداز کے ساتھ بیٹھا ہوا تھا اور ایک مکھی بار بار اس کی ناک پر بیٹھی ہوئی تھی ۔ وہ بار بار اس کو اڑاتا رہا ، جب تنگ آگیا تو اس نے جھلا کر ابن سلیمان مفسر سے پوچھا کہ آخر مکھی پیدا کرنے کی خدا کو ضرورت ہی کیا تھی؟
اس حق گو عالم حقانی نے برخستہ جواب دیا کہ خالق عالم نے متکبروں کا غرور گھمنڈ توڑنے کے لئے مکھی پیدا فرمائی ہے۔ خلیفہ منصوریہ جواب سن کر خاموش ہو کر رہ گیا اور حیرت سے ابن سلیمان کا منہ تکنے لگا۔