(کس مہینے کا نام کس وجہ سے رکھا، تفصیل دے دیں)،(’’ضیاء الاسلام پریس‘‘ قادیان میں تھا؟)

[محمدابوبکرصدیق]

(کس مہینے کا نام کس وجہ سے رکھا، تفصیل دے دیں)
​

جناب یحییٰ بختیار: پھر اس کی تفصیل دے دیں کہ کس مہینے کا کس وجہ سے آپ نے نام رکھا؟
مرزاناصر احمد: ہاں، ہاں یہ ٹھیک ہے۔

(’’ضیاء الاسلام پریس‘‘ قادیان میں تھا؟)
​

جناب یحییٰ بختیار: مرزاصاحب! اب آپ یہ فرمائیے کہ کیا ایک ’’ضیاء الاسلام پریس‘‘ قادیان میں تھا؟
مرزاناصر احمد: جی ایک پریس تھا قادیان میں جس کا نام ضیاء الاسلام تھا۔

(بقیہ حاشیہ گزشتہ پوسٹ)

ہجری، شمسی اور عیسوی مہینے

جنوری صلح فروری تبلیغ
ماہ مارچ امان کو لایا

اور اپریل کا مہینہ جب آیا
تو شہادت کا نام ہے پایا

مئی ہجرت ہے جون ہے احسان
اور جولائی میں وفا آیا

ہیں اگست و ظہور ہم معنی
اور ستمبر تبوک کہلایا

اور اکتوبر اخاء میں ہم جیسے
بھائی بندوں کا راز سمجھایا

پھر نبوت مہ نومبر ہے
اور دسمبر کو فتح فرمایا

(ازاکمل… احمدی جنتری ۱۹۴۲ء میں ص۱۹)


اسی طرح احمدی جنتری ۱۹۴۳ء کے ص۶ پر ہے کہ حضورa کی ہجرت مدینہ ۱۴؍اکتوبر ۶۲۳ء کو ہوئی۔ اب قادیانی اگر ہجرت مدینہ مراد لیتے تو اکتوبر کو ہجرت کا مہینہ قرار دیتے۔ لیکن انہوں نے مئی کو ہجرت کا مہینہ قرار دیا کہ اس میں مرزا کا انتقال ہوا۔ اسی طرح اسی ص۶ پر درج ہے کہ آنحضرتa نے اعلان نبوت ۲۳؍فروری ۶۱۰ء کو فرمایا۔ اگر آنحضرتa سے منسوب یہ مہینے ہوتے تو فروری کو قادیانی نبوت کا ماہ قرار دیتے۔ انہوں نے نومبر کو نبوت کا مہینہ قرار دیا۔ اس لئے کہ مرزا نے نومبر ۱۹۰۱ء میں نبوت کا دعویٰ کیا۔ مارچ کو قادیانی امان کہتے ہیں کہ اس ماہ میں مرزا نے بیعت لی۔ جو مرزا کی بیعت میں آیا امان پاگیا۔ دسمبر کو یہ ماہ فتح کا نام اس لئے دیتے ہیں کہ دسمبر میں ان کا سالانہ جلسہ ہوتا تھا جسے یہ اپنی فتح سے تعبیر کرتے تھے۔
جناب یحییٰ بختیار: اور اس میں ایک کتابچہ وہاں شائع ہوا ہے درود شریف کے بارے میں آپ نے دیکھا ہے وہ؟
مرزاناصر احمد: میں نے وہ پڑھا نہیں۔ لیکن میں نے دیکھا ہے۔