"احتساب قادیانیت" کی ساٹھ (60) جلدیں اب گھر بیٹھے بلکل فری حاصل کریں

[محمدابوبکرصدیق]

"احتساب قادیانیت" کی ساٹھ (60) جلدیں اب گھر بیٹھے بلکل فری حاصل کریں

عالمی مجلس تحفظ ختم نبوت کو یہ شرف حاصل ہے کہ قدیم و جدید رد قادیانیت کی کتب کو "احتساب قادیانیت" کے عنوان سے 60 (ساٹھ) جلدوں میں شاندار طریقہ سے شائع کرنے کا ایک ریکارڈ قائم کیا ہے۔ جس پر رب کریم کا جتنا بھی شکر ادا کیا جائے کم ہے۔ حضرت مولانا اللہ وسایا صاحب دامت برکاتہم العالیہ کی خواہش تھی کہ تمام مکاتب فکر کے علماء کریم ، دانشور، صحافی، مشائخ و دیگر شعبوں کے چیدہ حضرات نے جو کچھ بھی ردقادیانیت کے موضوع پر تحریر کیا ہے ان کو ایک "حسین گلدستہ" کی شکل میں جمع کر دیا جائے تاکہ آنے والی نسل کے لئے محفوظ ہو جائے۔ اس پر حضرت مولانا خواجہ خان محمد نوراللہ مرقدہ، حضرت مولانا یوسف لدھیانوی شہید رحمۃُ اللہ علیہ، حضرت مولانا عزیزالرحمٰن صاحب مدظلہ نے خوشی اور انبساط کا اظہار کے ساتھ ساتھ اجازت اور دعائے خیر سے نوازا۔ احتساب قادیانیت کی خاص بات یہ ہے کہ منکرین حدیث کی رد قادیانیت پر مشتمل تصانیف بھی اس میں شامل ہیں۔ نیز رافضی خارجی مسیحی اور قادیانی باغی گروپ کی رد قادیانیت پر تحریرات کو بھی احتساب قادیانیت کی انہیں جلدوں میں اکٹھا کر دیا گیا ہے تاکہ ریکارڈ محفوظ رہے۔ پروردگار کا لاکھ لاکھ شکر ہے کہ اس نے حضرت مولانا اللہ وسایا صاحب کو اس کام کے لیے چُن لیا۔ دیگر جماعتی رفقاء اور اس عنوان پر کام کرنے والے احباب بھی مبارکباد کے مستحق ہیں۔ مرکز سراجیہ نے احتساب قادیانیت کی ہر نئی آنے والی جلد کو کمپیوٹر سے استفادہ کرنے والے احباب کے لیے تیار کر کے ویب سائیٹ پر گاہے بگاہے اپ لوڈ کیا ہے۔ اور اب مرگز سراجیہ احتساب کی 60 جلدوں کو ایک سی ڈی کی شکل میں تیار کرنے کی سعادت حاصل کر رہا ہے۔ اس سی ڈی میں احتساب قادیانیت کی 60 مکمل جلدیں پی ڈی ایف فارمیٹنگ میں شامل کر دی گئی ہیں۔ جن کو آپ کمپیوٹر، لیپ ٹاپ، موبائل وغیرہ پر باآسانی پڑھ سکتے ہیں اور ان کا پرنٹ بھی لے سکتے ہیں۔ اس کے ساتھ ساتھ اگر آپ کے پاس انٹرنیٹ نہیں چل رہا تو بھی آپ اس کو براؤزر پر پڑھ سکتے ہیں۔ جنہوں نے بھی اس کاوش میں حصہ لیا اللہ رب العزت ان کی کاوشوں کو قبول فرمائے آمین یا ربُ العالمین

احتساب قادیانیت کی 60 جلدوں پر مشتمل اس سی ڈی کو بلکل مفت حاصل کرنے کے لیے اپنا نام، اپنے والد کا نام ، اپنا مکمل پتا لکھ کر اس نمبر پر سینڈ کر دیں ۔ انشااللہ چند دنوں کے اندر اندر آپ کو احتساب قادیانیت کی ساٹھ جلدوں پر مشتمل سی ڈی بلکل مفت مل جائے گی۔
00923337044744
اس کتاب کو آنلائن پڑھنے اور ڈاؤنلوڈ کرنے کے لیے اس لنک پر جائیں

 

[محمود بھائی]

جی سی ڈی تو تین چار دن میں مل گئی تھی لیکن سی ڈی خالی نکلی
اطلاع تو کر دی تھی لیکن ابھی تک کوئی جواب نہیں آیا

 

[محمدابوبکرصدیق]

جی سی ڈی تو تین چار دن میں مل گئی تھی لیکن سی ڈی خالی نکلی
اطلاع تو کر دی تھی لیکن ابھی تک کوئی جواب نہیں آیا

میرے پاس جو سی ڈی آئی ہے اس میں الحمدُاللہ مکمل مواد موجود تھا ۔ خیر آپ ان کو کال کر کے بتائیں ۔ اور ایک بار سی ڈی دوبارہ چیک کر لیں کسی اور سسٹم پر اوپن کر کے۔