(تحریک پاکستان کے بارہ میں سوال؟)

[محمدابوبکرصدیق]

(تحریک پاکستان کے بارہ میں سوال؟)
​

جناب یحییٰ بختیار: بس، نہیں، بالکل ٹھیک ہے، یہی میرا پوچھنا یہ تھا کہ بھئی تحریک پاکستان کے سلسلے میں۔۔۔۔۔۔
مرزا ناصر احمد: تحریک پاکستان کے سلسلے کی بات ہی نہیں کر رہا۔۔۔۔۔۔
جناب یحییٰ بختیار: نہیں، میں۔۔۔۔۔۔
مرزا ناصر احمد: ۔۔۔۔۔۔ میں تو ۱۸۵۷ء کی بات کر رہا ہوں۔
جناب یحییٰ بختیار: مرزا صاحب! میں دونوں کا Parallel (موازنہ) اس لئے کر رہا ہوں کہ وہ بھی آزادی کی جنگ سمجھتا ہوں، میں اس کو بھی۔
مرزا ناصر احمد: میرے نزدیک تو کوئی Parallel (موازنہ) ہے ہی نہیں، کوئی مشابہت نہیں ہے۔
جناب یحییٰ بختیار: ہاں، نہیں، تو اَب میں اس لئے Parallel (موازنہ) آپ کے لئے واضح کرنا چاہتا ہوں کہ تحریک پاکستان کے دوران بھی، ہماری آزادی کے دوران بھی بعض لوگوں نے ظلم کئے اور اس کو۔۔۔۔۔۔ ایسے ظلم تھے کہ ہمیں شرم آتی ہے اس پر۔ حالانکہ ہندو نے بہت زیادہ ظلم کیا، بہت ہی زیادہ۔۔۔۔۔۔۔
مرزا ناصر احمد: بہت۔
جناب یحییٰ بختیار: اس پر کوئی نہیں۔ سکھوں نے بہت زیادہ ظلم کیا۔ مگر یہاں بھی غلطیاں ہوئی ہیں۔ تو اس کی وجہ سے میں یہ پوچھ رہا تھا کہ آپ لیڈرشپ کو نہیں Condemn (مذمت) کریں گے 1318کہ تحریک غلط تھی، یہ تحریک بھی غلط تھی۔ یا بالفاظِ دیگر، اگر ہم خدانہ کردہ فیل ہوجاتے تو آپ اس کو بھی غدر کہتے؟
مرزا ناصرا حمد: نہیں، یہ تو کوئی مسئلہ زیر بحث ہے ہی نہیں اور ’’اگر‘‘ کے ساتھ ہمیں بات ہی نہیں کرنی چاہئے۔ ورنہ پھر ’’اگر،اگر‘‘ کے ساتھ تو کہیں کے کہیں پہنچ جائیں گے۔
جناب یحییٰ بختیار: مرزا صاحب! اگر کی بات تو ہے یہ۔ کہ اگر آپ سمجھتے ہیں کہ آزادی کے لئے جنگ کی اجازت ہے، آپ کا عقیدہ دیتا ہے۔۔۔۔۔۔
مرزا ناصر احمد: پاکستان بننے کے لئے کوئی جنگ نہیں لڑی گئی۔
جناب یحییٰ بختیار: نہیں، میں پہلے یہ سوال پوچھتا ہوں کہ آزادی کے لئے۔۔۔۔۔۔
مرزا ناصر احمد: نہیں، پھر Parallel (موازنہ) کیا، کیسے ہوگیا غدر کے ساتھ، جب پاکستان بننے کے لئے کوئی جنگ لڑی ہی نہیں گئی؟
جناب یحییٰ بختیار: آپ کہتے ہیں، خود ہی کہتے ہیں کہ کتنے ہزار لوگ قربان ہوئے، قربانیاں دی گئیں، لاکھوں مارے گئے۔
مرزا ناصر احمد: میں نے یہ کہا کہ قربانیاں دیں، میں نے یہ نہیں کہا جنگ لڑی گئی۔