قادیانی: آپ ﷺ کی احادیث میں تضاد بیانیاں موجود ہیں۔ (معاذاللہ) مسیحؑ اللہ کے خلیفہ ہوں گے یا رسول

[محمدابوبکرصدیق]

سرگوشی : قادیانیوں کی پوسٹ دیکھنے کے لیے اس بٹن کو دبائیں

مسلمانوں کی جانب سے جواب:
مسیح یعنی حضرت عیسی علیہ السلام کو اللہ نے نبوت کے مقام سے سرفراز فرمایا۔ اس لیے اگر ان کو نبی اللہ کہا گیا ہے تو اس میں تعجب کیا ہے؟؟؟ دوسری بات ۔ اسی روایت کے متعلق آپ کے مرزا صاحب فرماتے ہیں کہ یہ روایت ضعیف ہے ۔ بلکہ یہاں تک کہتے ہیں کہ اس حدیث کے راوی حضرت نواس ابن سمعان (صحابی رسول) کو حدیث کے سمجھنے میں دھوکا ہوا ہے ۔ معاذاللہ
پھر کس منہ سے تم لوگ اس حدیث سے حوالہ دیتے ہو؟
دوسری حدیث میں آپ ﷺ نے خلیفہ کہا ہے تو بیشک وہ جب تشریف لائیں گے تو آپ ﷺ کی پیروی کریں گے ۔ اور وہ ایک منصف حکمران بھی ہوں گے۔ لہذا وہ آپ ﷺ کے پہلے کے نبی بھی ہیں اور آپ ﷺ کی امت میں تشریف لانے کے بعد اس امت میں آپؑ خلیفہ بھی ہیں۔۔
اس لیے تضاد بیانی اس میں نہیں بلکہ تمہاری گندی عقل میں ہے۔
اور آپ ﷺ کے اقوال میں تضاد بیانیاں ثابت کر کے آپ کیا کہنا چاہتے ہیں؟؟ دیکھ لو مرزا قادیانی تضاد بیانیوں والے شخص کے متعلق کیا کہتا ہے۔
" اور ظاہر ہے کہ ایک دل میں دو متناقض باتیں نکل نہیں سکتیں کیونکہ ایسے طریق سے یا انسان پاگل کہلاتا ہے یا منافق"
(ست بچن ، روحانی خزائن جلد 10 صفحہ 143)

آخر میں میں قادیانیوں سے کہوں گا کہ ان دونوں باتوں میں سے کسی ایک پر ہی مرزا قادیانی کو پورا اتار کے دکھا دو۔