(مرزاناصر کا ایک اور اعلان)

[محمدابوبکرصدیق]

(مرزاناصر کا ایک اور اعلان)
​

مرزاناصر احمد: جو شخص حضرت مرزا غلام احمد کو نبی نہیں مانتا لیکن وہ نبی اکرمa حضرت خاتم الانبیاء کی طرف خود کو منسوب کرتاہے۔ اس کو کوئی شخص غیر مسلم کہہ ہی نہیں سکتا۱؎۔
جناب یحییٰ بختیار: نہیں جی، وہ کہتے ہیں کہ آخری نبی ان کی Interpretation کے مطابق…
مرزاناصر احمد: وہ تو Interpretation کا فرق ہوا نا۔ میں تو یہ کہہ رہا ہوں Categorically ہر وہ شخص جو محمدa کی طرف خود کو منسوب کرتاہے وہ مسلمان ہے…
جناب یحییٰ بختیار: وہ مسلمان؟
مرزاناصر احمد: اورکسی دوسرے کا حق نہیں ہے کہ اس کو غیر مسلم قراردے۔
جناب یحییٰ بختیار: آپ اس کومسلمان سمجھتے ہیں؟
مرزاناصر احمد: اس معنی میں۔
جناب یحییٰ بختیار: ہاں یہ نہیں کہتے کہ مسلمانی کا دعویٰ کرتا ہے وہ؟
مرزاناصر احمد: نہیں، نہیں، نہیں۔ جو منسوب ہوتاہے۔ میں نے تو آپ کو بھی کئی دفعہ کہا ہے:’’ھل شققت قلبہ‘‘ میں دعویٰ کیسے کرسکتاہوں؟میں نے دل چیر کے دیکھے ہیں؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
۱؎ مرزاقادیانی کہتا ہے۔ ’’خداتعالیٰ نے میرے پر ظاہر کیا ہے کہ ہر ایک شخص جس کو میری دعوت پہنچی اور اس نے مجھے قبول نہیں کیا۔ وہ مسلمان نہیں ہے اور خدا کے نزدیک قابل مواخذہ ہے۔‘‘ (تذکرہ ص۶۰۷، طبع سوم) مرزاقادیانی کا بیٹا مرزامحمود نے آئینہ صداقت ص۳۵ پر لکھا ہے کہ ’’کل مسلمان جو مرزا کی بیعت میں شامل نہیں ہوئے چاہے انہوں نے مرزا کا نام بھی نہیں سنا وہ کافر اور دائرہ اسلام سے خارج ہیں۔‘‘ اور اب مرزاقادیانی کا پوتا یعنی مرزاناصر کہتا ہے کہ مرزا کے نہ ماننے والے مسلمان ہیں۔ ان تینوں میں سچا کون؟ جواب: تینوں دغاباز وچالباز۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جناب یحییٰ بختیار: ایک میں آپ سے پوچھوں گا کہ ایک حوالہ ہے مرزا غلام احمد صاحب کے بارے میں مرز ابشیراحمد صاحب کا، صاحبزادہ بشیر احمد صاحب کا، وہ کہتے ہیں: ’’معلوم ہو407تاہے کہ حضرت مسیح موعود(مرزا غلام احمد قادیانی صاحب) کو بھی بعض وقت اس بات کا خیال آیا کہ کہیں میری تحریروں سے غیر احمدیوں کے متعلق’’مسلمان‘‘ کالفظ دیکھ کر لوگ دھوکہ نہ کھائیں۔ اس لئے آپ نے کہیں کہیں بطورازالے کے غیراحمدیوں کے متعلق ایسے الفاظ بھی لکھے تھے کہ’’وہ لوگ جو اسلام کا دعویٰ کرتے ہیں۔‘‘جہاں کہیں بھی’’مسلمان‘‘ کا لفظ ہو اس سے مدعی اسلام سمجھا جائے نہ کہ حقیقی مسلمان۔ پس یہ ایک یقینی بات ہے کہ حضرت مرزا صاحب نے جہاں کہیں بھی غیر احمدیوں کو(مسلمان) کہہ کر پکارا ہے۔وہاں صرف یہ مطلب ہے کہ وہ اسلام کا دعویٰ کرتے ہیں۔ ورنہ حسب الحکم الٰہی اپنے منکروں کو مسلمان نہ سمجھتے تھے۔‘‘
(کلمہ الفصل ص۱۲۶مصنف صاحبزادہ بشیر احمدصاحب قادیانی)
مرزاناصر احمد: کلمۃ الفصل؟
جناب یحییٰ بختیار: کلمۃ الفصل۔ ہاں جی اور رسالہ ’’ریویو آف ریلیجن‘‘ جلد ۱۴ نمبر ۳،۴ آگے ص۱۲۶۔
مرزاناصر احمد: یہ چیک کریںگے۔ آج صبح آپ نے دیکھا کہ حوالہ بھی نہیں تھا اور اخبار بھی نہیں تھا اوریہاں آگیا۔چیک کریںگے۔ (وقفہ)
جناب یحییٰ بختیار: اب بھی آپ نے خود کہا ہے۔ میں اپنے پرانے سبجیکٹ پر آرہاہوں۔ (وقفہ)