مفہوم موافق اور مفہوم مخالف کی تعریفات

[مبشر شاہ]

مفہوم موافق اور مفہوم مخالف کی تعریفات

ہر عبارت میں دو طرح کے مفہوم ہوتے ہیں ۔
1. مفہوم موافق 2. مفہوم مخالف، مفہوم موافق اس حکم کو کہتے ہیں جو اس عبارت میں مذکور ہو ، مفہوم مخالف اس حکم کو کہتے ہیں جو عبارت میں ذکر کردہ حکم کے برعکس ہو اور عبارت اس حکم کے متعلق بالکل خاموش ہو، مثلاً ایک حدیث شریف میں ہے فی الغنم السائمة زکوٰة کہ ”سائمہ“ چراگاہوں میں چرنے والی بکریوں میں زکوٰة ہے۔ اس کا مفہوم مخالف یہ ہے کہ جوبکریاں ” غیر سائمة“ ہوں، یعنی چراگاہوں میں پیٹ بھرنے کے بجائے گھاس وغیرہ خرید کر انہیں کھلایا جاتا ہو تو ان بکریوں میں زکوٰة نہیں ہے۔ یہ حکم حدیث مبارکہ کے مفہوم مخالف سے سمجھا گیا ہے، مفہوم مخالف شوافع کے ہاں تو حجت ہے، لیکن احناف کے ہاں قرآن وحدیث میں یہ حجت نہیں ۔

 

[مبشر شاہ]

فان مفاھیم الکتب حجۃ ولومفھوم لقب علی ماصرح بہ الاصولیون [1]۔

عبارات کتب میں مفہومِ مخالف حجت ہوتا ہے خواہ وہ مفہوم لقبی ہو،علمائے اصول نے یہی تصریح کی ہے۔(ت)

نیز جلد اول ص ١٦٧:

ی فتی بہ عندالسؤال اھ ای لان مفاھیم الکتب معتبرۃ کماتقدم [2]۔

سوال کے وقت اسی پر فتوٰی ہوگا کیونکہ عباراتِ کتب میں مفہومِ مخالف حجت ہوتا ہے،جیسے کہ پہلے گزرچکا ہے۔(ت)

دُرِمختار بیان سُننِ وضو میں نہرالفائق میں سے ہے:

مفاھیم الکتب حجۃ بخلاف اکثر مفاھیم النصوص ٣

عبارات کتب میں مفہوم مخالف حجت ہوتا ہے اور نصوص کے اکثر مفاہیم معتبر نہیں ہوتے (ت)

[1]ردالمحتار باب الاجارۃ الفاسدۃ مطبوعہ مصطفی البابی مصر ٥/٣٨

[2]ردالمحتار کتاب الطہارۃ مطبوعہ مصطفی البابی مصر ١/١١٩

[3]درمختار کتاب الطہارۃ مطبوعہ مجتبائی دہلی ١/٢١

(از فتاویٰ رضویہ جلد 5 صفحہ 639)

 

[ذاھد]

جزاک اللہ شاہ جی