والد صاحب حفظہ اللہ کی تربیت کے اثرات
حضرت والد گرامی قدرحاجی عبد الحمید صاحب مَتَّعَنَا اللّٰہُ بِطُوْلِ حَیَاتہِٖ کا سایہ اللہ تعالیٰ ہم پر قائم دائم رکھے اس عاجز کی تعلیمی سرگرمیوںمیں اساتذہ اور مشائخ کا فیض تو شامل ہے ہی سچی بات یہ ہے کہ حضرت والد گرامی قدر مدظلہ العالی کی تربیت کا اس میں بڑا دخل ہے زمانہ طالب علمی میں فجر کے بعد درس قرآن میں کبھی دائیں بائیں بات نکل جاتی تووالد صاحب سختی سے فرمایا کرتے تھے کہ لوگوں کو قرآن سنائو اور یہ بھی کہا کرتے تھے کہ ہمارے والد صاحب یعنی اس عاجز کے دادا جان جناب مولوی اسماعیل صاحبؒ المتوفی (۲۲/۳/۱۹۵۳ء) کے پاس ایک حمائل شریف ہوتی تھی اس کو کھول کر لوگوں کوقرآن سنایاکرتے تھے۔