428CROSS- EXAMINATION OF THE QADIANI GROUP DELEGATION

[محمدابوبکرصدیق]

428CROSS- EXAMINATION OF THE QADIANI GROUP DELEGATION
​

Mr. Yahya Bakhtiar: Mirza Sahib, are you ready with some of the replies?
(جناب یحییٰ بختیار: مرزاصاحب! کیا آپ کے جواب تیار ہیں؟)
مرزاناصر احمد: یہ’’تذکرۃ الاولیائ‘‘ہے یہاں موجود؟
جناب یحییٰ بختیار: ’تذکرۃ الاولیائ‘‘
مرزاناصر احمد: اور ارشار رحمانی؟
جناب یحییٰ بختیار: ارشاد رحمانی؟
مرزاناصر احمد: ’’تذکرۃ اولیا ء اورارشاد رحمانی؟‘‘
جناب یحییٰ بختیار: (لائبریرین سے)یہ لائبریری سے لے آئیں۔باقی جو ریفرنسز ہیں؟
مرزاناصر احمد: ایک یہ سوال تھا کہ بانی سلسلہ احمدیہ نے یہ فرمایاہے:

شتان مابینی وبین حسینکم
فانی اوایّد کلا آن وانصر

’’مجھ میں اورتمہارے حسین میں بہت بڑافرق ہے۔‘‘ یہاں حسینکم میںکم کی جو ضمیر ہے۔ وہ اس کے مطلب کوظاہرکرتی ہے اوریہ جو نظم ہے۔ اسی کے اندر ان لوگوں کاذکر ہے۔ بڑی وضاحت کے ساتھ کہ جو حضرت حسین رضی اﷲ عنہ کا شرک کرتے تھے اور ان سے دعائیں مانگتے تھے اوران کی قبر پر سجدہ کرتے تھے۔توحضرت حسین رضی اﷲ عنہ کے متعلق یہ نہیں ہے بلکہ یہ ہے کہ جو تصور تم حضرت حسین رضی اﷲ عنہ کا پیش کرتے ہو وہ درست نہیں ہے۔ حضرت حسینؓ کے متعلق میں نے بانی سلسلہ کا ایک اقتباس پڑھاتھا۔ بڑازبردست ہے۔ بتاتاہے کتنا پیار،کتنی محبت…
جناب یحییٰ بختیار: جی، وہ آپ نے…یہ جو ریفرنس تھا کہ: ’’مجھ میں اورتمہارے حسین میںبڑا فرق ہے۔‘‘ میں نے عرض کیاتھا کہ’’تمہارے حسین‘‘…
429مرزاناصر احمد: ’’تمہارے کی ضمیر بتائے گی ناں کہ اس کاکیامطلب ہے: ’’تمہارے سے کن لوگوں کو مخاطب کیاگیاہے؟ وہ اسی نظم میں مختلف شعروں میں کرتاہے اور میں بتلاتا ہوں، اسی نظم میں ہے۔ یعنی’’کم‘‘ کی ضمیر کا ہمیں دیکھنا ہے کہ مرجع کیا ہے ضمیر کا:
(عربی اشعار) … (تم یہ گمان کرتے ہو کہ حسینؓ تمام مخلوق کا سردار ہے اور ہر ایک نبی اسی کی شفاعت سے نجات پائے گا اوربخشا جائے گا) تو یہ وہ لوگ ہیں جو اس نظم میں مخاطب ہیں۔ اس نظم میں وہ لوگ مخاطب نہیں جو حضرت حسین رضی اﷲ عنہ سے محبت اور پیار کرنے والے اورآپ کی زندگی کو اسوئہ سمجھنے والے ہیں اور آپ کی اقتداء کے ذریعے اﷲ تعالیٰ کے پیارکوحاصل کرنا یہ ان کامذہب ہے۔
جناب یحییٰ بختیار: یہ آگے کہتے ہیں جی۔کیونکہ میں یہ Clarification چاہتا ہوں کہ: ’’مجھ میں اور تمہارے حسین میں بڑافرق ہے۔ کیونکہ مجھے ہر وقت خدائی…‘‘
مرزاناصر احمد: ’’کیونکہ مجھے …‘‘؟
جناب یحییٰ بختیار: ’’…مجھے ہر وقت خدائی تائید اور مدد مل رہی ہے۔‘‘
مرزاناصر احمد: جی۔ ’’کیونکہ مجھے‘‘ میں اس کا تشریح کردیتاہوں، ساری نظم کو سامنے رکھ کر۔ کیونکہ مجھے امام حسینؓ کی طرح اﷲ تعالیٰ کی تائید ہر وقت حاصل ہے۔
جناب یحییٰ بختیار: کی طرح؟
مرزاناصر احمد: ہاں، اصل حسین کی طرح۔
جناب یحییٰ بختیار: کیونکہ وہ جو حسینؓ…
مرزاناصر احمد: وہ جس حسینؓ کا شرک کیاہے۔
Mr. Attorney General: We are Lawyers; we interpret words in their leteral, plain, simple meaning, and...
(جناب اٹارنی جنرل: ہم وکیل لوگ ہیں۔ ہم الفاظ کو ان کے ظاہری معنی پہناتے ہی۔ سادہ سیدھے معنی اور…)
430Mirza Nasir Ahmad: Then please read out the whole, all these verses.
(مرزاناصر احمد: تو پھر جناب یہ تمام اشعار پڑھئے)
Mr. Yahya Bakhtiar: .... if those meanings are not clear, then, if some thing the author himself or the law itself says... Now here it is so clearly written:
(جناب یحییٰ بختیار: اگر وہ معنی نہیں سمجھ میں آتے۔ اگر مصنف نے خود یا قانون خود کہتا ہے پھر اب یہاں یہ بالکل صاف لکھا ہوا ہے) ’’مجھ میں اورتمہارے حسینؓ میں بڑافرق ہے۔کیونکہ مجھے ہر وقت خدائی تائید اور مدد مل رہی ہے۔‘‘ اس کا مطلب ہے کہ حسینؓ کو خدائی تائید اورامداد نہیں مل رہی۔ اس لئے مجھ میں اور اس میں بڑافرق ہے۔
مرزاناصراحمد: نہیں، نہیں، کیا قانون جو ہے، وہ قانون دان کا دماغ اس طرح نہیں پھیرے گا کہ ’’حسینکم ‘‘میں ’’کم ‘‘ کی ضمیر کس طرف جارہی ہے؟
جناب یحییٰ بختیار: یہ آپ Definition کر رہے ہیں؟
مرزاناصر احمد: نہیں، نہیں۔ ’’حسینکم‘‘ وہی مخاطب ہے ناں۔ تو ہم نے دیکھنا ہے کہ کن کو مخاطب کرکے کہاگیا ہے کہ ’’تمہارے حسین‘‘اور وہ اسی نظم میں ہے کہ وہ لوگ جو حسین کا شرک کرتے ہیں اورانہیں تمام انبیاء سے افضل سمجھتے ہیں اورساری مخلوق کا سردار سمجھتے ہیں۔ صرف وہ لوگ مخاطب ہیں، باقی نہیں اور ان کے تصور کے اوپر اصلاحی ایک تنقید ہے۔ آخر’’کم‘‘ کا مرجع تو معلوم ہوناچاہئے ناں۔
جناب یحییٰ بختیار: بار بار جہاں بھی آیا ہے۔ میں نے دیکھا ہے تین ریفرنسز آپ کو دیئے ہیں۔ تینوں میں’’تمہارا حسین‘‘
مرزاناصر احمد: ’’جعلتم حسینا افضل الرسل کلھم‘‘
’’کم‘‘سے مراد …وہ لوگ ہو تم جو حضرت حسینؓ کو تمام انبیاء سے افضل سمجھتے ہوں۔
’’جعلتم‘‘’’کم‘‘یہ جو ضمیریں ہیں۔ یہ بتارہی ہیں کہ مخاطب کون ہے۔
431جناب یحییٰ بختیار: یہ جو ترجمہ ہواہے اس کا…میں نے سنایاہے…یہ بھی آپ کی کتابوں سے لیاگیاہے۔
مرزاناصر احمد: ہاں، یہ لکھا ہے جو میں نے پڑھا ہے۔ اس کا ترجمہ بھی ہماری اسی کتاب سے ہے: ’’تم نے حسینؓ کو تمام انبیاء سے افضل ٹھہرادیا اورسچائی کی حدوں سے آگے گزر گئے‘‘ یہ صرف وہ لوگ مخاطب ہیں۔ اب میں ترجمہ کر دیتاہوں تاکہ آپ کے ذہن میں حاضر ہو جائیں…
جناب یحییٰ بختیار: نہیں، میں صرف اتنا مرزا صاحب!پوچھنا چاہتاہوں کہ ٹھیک ہے، انہوں نے حسینؓ کے بارے میں یہ کہا ان لوگوں کو۔ اپناجو بیچ میں ذکرلے آتے ہیں،وہ اپنا جو مقابلہ کرتے ہیں۔ وہ آپ کیسے Explain کرتے ہیں؟
مرزاناصر احمد: مقابلہ حضرت حسینؓ سے نہیں کررہے۔مقابلہ حضرت حسین ؓ کے اس تصور سے کررہے ہیں۔جو بعض لوگوں کے ذہن میں غلط طورپر پایاجاتاتھا۔
Mr. Yahya Bakhtiar: Even then low is it relevant?
(جناب یحییٰ بختیار: پھر بھی یہ غیرمتعلق ہے۔ آپ سمجھائیں کس طرح)
مرزاناصر احمد: جب ایک مصلح اپنی قوم سے خطاب کرتاہے۔ جن کے عقائد میں اسے غلطی نظرآتی ہے اوروہ ان کو کہتاہے کہ تم لوگوں کا یہ عقیدہ…جو تمام کا نہیں…شیعہ حضرات کا یا اورلوگوں کا یہ عقیدہ جو ہے کہ حسینؓ تمام مخلوق کے سردارہیں۔ تمام انبیاء سے افضل ہیں۔ آپ کی قبر پر سجدہ کرکے انسان اپنی ضروریات کوپورا کرسکتاہے،یہ تصور جو ہے تمہارا…
جناب یحییٰ بختیار: نہیں جی،درست آپ کہہ رہے ہیں۔
432مرزاناصر احمد: میری بات ابھی ختم نہیں ہوئی۔
…یہ تصور جو ہے تمہارا یہ غلط ہے۔ کیونکہ دیکھو!وہ حسینؓ جس نے خداتعالیٰ کی راہ میں انتہائی قربانی دی۔ آج تک اﷲ کی نصرت اورمدد حاصل ہے اورمجھ پر بھی اﷲ تعالیٰ کی مدد، مجھے بھی اﷲ تعالیٰ کی مدد اورنصرت مل رہی ہے۔ اس صحیح تصور سے ہٹ کر یہ بتادیا کہ وہ گویا خدائی کی طاقتیں رکھتا ہے اورتمام مخلوقات کا سردار،سروردوعالم جو ہے وہ تو خاتم الانبیاء ہے۔ تو جو یہ عقیدہ رکھتے ہیں۔ ان کومخاطب کرکے کہاگیا ہے کہ تمہاراتصورحسین کا جو ہے۔اس کے مقابلے میں اپنا تصور، جو اب میری حقیقت ہے،وہ رکھتاہوں۔
جناب یحییٰ بختیار: اپنی Personal observation کررہاہے؟
Mirza Nasir Ahmad: Personal, personal.
جناب یحییٰ بختیار: نہیں، اپنا Comparison کررہا ہے؟
مرزاناصر احمد: …اپنی کررہے ہیں،بالواسطہ، حضرت حسینؓ …جیسا کہ دوسری جگہ آیا ہے۔ ایک لکھنے والا ساری لکھے گا کہ وہ خدا کاپیارا، تقویٰ کا،متقیوں کا سردار، ان کے اعمال ہمارے لئے اسوئہ حسنہ۔ یہ تو نہیں کہ ہر چیز چھوڑ کے اورایک لفظ کو تھوڑا سا لے کے اس کے اوپر یہ کردیاجائے۔
جناب یحییٰ بختیار: اس کے بعد…نہیں جی،میں یہ صرف اس لئے آپ سے پوچھنا چاہتاتھا کہ آگے انہوں نے کہا،آگے کہتے ہیں: ’’اور میں خد اکا کشتہ ہوں تمہاراحسین دشمنوں کاکشتہ ہے۔ پس فرق کھلا کھلا اور ظاہر ہے۔‘‘ Comparison again کہ مجھے دیکھوانہیں دیکھو And the impression given is....
433مرزاناصر احمد: یہ آپ ذرا پھر پڑھیں۔
جناب یحییٰ بختیار: ’’اور میں خد اکا کشتہ ہوں تمہاراحسین دشمنوں کاکشتہ ہے۔ پس فرق کھلا کھلا اور ظاہر ہے۔‘‘ (اعجاز احمدی،ضمیمہ نزول مسیح ص۸۱، خزائن ج۱۹ص۱۹۳)
مرزاناصر احمد: وہ جو مشرک یعنی مشرکین حضرت امام حسین رضی اﷲ تعالیٰ عنہ کی قبر کا شرک کرتے اورآپ کو خدائی طاقتیں دے رہے تھے اور سرور مخلوقات اور تمام انبیاء سے افضل قرار دے رہے تھے۔اسی تصور کے لئے یہ کہاگیا۔
جناب یحییٰ بختیار: پھر Compare اپنے آپ سے کیاہے۔
مرزاناصر احمد: اپنے آپ سے کیا ہے،یہ درست ہے۔ لیکن حضرت حسینؓ سے موازنہ نہیں کیا۔ بلکہ حضرت حسین رضی اﷲ عنہ کے ایک غلط تصور سے اپنا موازنہ کیاہے۔
جناب یحییٰ بختیار: ابھی میں آپ سے اسی قسم کی،جوآپ کہہ رہے ہیں،ایک اور جگہ وہ کہہ رہے ہیں کہ: ’’اے شیعہ قوم!اس پر اسرار مت کرو کہ حسین تمہارا منجی ہے۔ میں سچ سچ کہتا ہوں کہ آج تم میں سے ایک (مرزا صاحب)ہے جو اس حسین سے بڑھ کر ہے۔‘‘
(دافع البلاء ص۱۳، خزائن ج۱۸ص۲۳۳)
مرزاناصر احمد: یہ اسی میں ہے؟یہ نظم میں ہے یا کہیں اور کاحوالہ ہے؟
جناب یحییٰ بختیار: پھر وہی’’تمہارا حسین‘‘’’حسین تمہارا…‘‘