احتسابِ قادیانیت جلدنمبر 14 (توضیح الکلام فی اثبات حیات عیسی علیہ السلام )

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۰…

حضرت عکرمہؓ کا عقیدہ

یہ بزرگ صحابی بھی یہی عقیدہ رکھتے تھے کہ حضرت عیسیٰ ابن مریم کا دوبارہ نازل ہونا قیامت کے علامات میں سے ایک بڑی علامت ہے۔
روایت پہلے بیان کر دی۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۱…

حضرت عبداﷲ بن عمرو بن العاصؓ کا عقیدہ

حدیث نمبر۳، انہی سے مروی ہے۔ یہ صحابی پرزور اعلان فرمارہے ہیں کہ حضرت عیسیٰ علیہ السلام آسمان سے زمین کی طرف نزول فرمائیں گے اور پھر شادی کریں گے۔ پھر ان کے ہاں اولاد بھی ہوگی اور آخر فوت ہوکر مدینہ شریف میں حجرہ نبوی علی صاحبہا الصلوٰۃ میں دفن ہوں گے۔
مفصل دیکھئے سابقہ پوسٹس۔
صحابہ کرامؓ میں سے ہزارہا نے یہ حدیث سنی مگر سوائے تسلیم کے کسی کا انکار مروی نہیں۔ بلکہ خود مرزاقادیانی اس حدیث کو صحیح تسلیم کرتے ہیں۔ مفصل دیکھئے پوسٹس بالا میں۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۲…

حضرت عمرو بن العاصؓ کا عقیدہ

صحابہ کرامؓ میں سے بہت سے ایسے تھے کہ باپ بیٹا دونوں صحابی تھے۔ ایسے ہی لوگوں میں سے حضرت عمرو بن العاصؓ اور ان کے صاحبزادے حضرت عبداﷲ بن عمروؓ تھے۔ حضرت عبداﷲ بن عمروؓ کا عقیدہ اوپر مذکور ہوا۔ باپ کے عقیدہ کے خلاف وہ کس طرح ’’ شرکیہ ‘‘ عقیدہ کی جرأت کر سکتے ہیں۔ پس معلوم ہوا کہ حضرت عمرو بن العاصؓ کا عقیدہ بھی یہی تھا کہ حضرت عیسیٰ علیہ السلام زندہ ہیں۔ وہی اتریں گے۔ شادی کریں گے اولاد ہوگی اور رسول کریمﷺ کے حجرہ مبارکہ میں دفن ہوں گے۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۳…

حضرت عثمان بن ابی العاصؓ کا عقیدہ

قادیانی مسلمات کی رو سے صحیح حدیث ان کی روایت سے ہم بیان کر آئے ہیں۔
دوبارہ پڑھ کر لطف اٹھائیے اور سوچئے کہ کن کن طریقوں سے صحابہ کرامؓ نے حیات عیسیٰ علیہ السلام کے اسلامی عقیدہ کی حفاظت کا انتظام کیا۔ مگر پھر بھی مسیحیت کے شیدائی تاویلات رکیکہ سے ان کا رد کرنے بیٹھ جاتے ہیں۔ یہ صحابی مسجد کا واقعہ سنا رہے ہیں۔ گویا سینکڑوں صحابہ اور بھی شاہد تھے۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۴…

حضرت ابوالامامتہ الباہلیؓ کا عقیدہ

آپ رسول کریمﷺ کا خطبہ بیان فرماتے ہیں۔ یقینا ہزارہا صحابہ حاضر خدمت ہوں گے۔ ان سب کو آنحضرتﷺ نے فرمایا کہ صبح کی نماز کی امامت ہورہی ہوگی کہ اچانک عیسیٰ علیہ السلام نازل ہوں گے۔ تفصیل… ابن مریم سے مراد (مرزاقادیانی) لینے کی سعی کریں اور نزول سے مراد پیدائش لیں تو کیا اندریں صورت قادیانی ثابت کر سکیں گے کہ مرزاقادیانی عین تکبیر اقامت کے وقت ماں کے پیٹ سے باہر نکلے تھے؟ اور نکلتے ہی مسلمانوں کے امام نے انہیں اپنا امام بنانا چاہا؟ مگر مرزاقادیانی نے امامت سے انکار کر دیا؟
حدیث کی صحت اور عظمت ملاحظہ کریں۔
سابقہ پوسٹس میں بیان ہوچکی ہے۔اس کو یہاں سے پڑھیں

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۵…

حضرت ام المؤمنین عائشہ صدیقہؓ کا عقیدہ

۱… ہم قادیانی مسلمات کی رو سے ایک مرفوع حدیث حضرت عائشہ صدیقہؓ کی زبانی ذکر کر آئے ہیں۔ اس میں حضرت عیسیٰ علیہ السلام کا نازل ہوکر ۴۰سال تک زمین میں زندہ رہنے کا اعلان ہے اور دجال کے قتل کا بھی ذکر ہے۔ پھر ان کی بادشاہت کا بھی ذکر ہے۔ مفصل!
۲… نیز ہم حضرت عائشہ صدیقہؓ سے ایک مرفوع حدیث مسلمہ قادیانی درج کر چکے ہیں۔ جس میں حضرت عیسیٰ علیہ السلام کی زندگی پر ڈنکے کی چوٹ اعلان کیا جارہا ہے۔ حضرت عائشہ صدیقہؓ کا کسی حدیث کو بیان کرنا گویا تمام صحابہ کا عقیدہ بیان کرنا ہے۔
حضرت عائشہؓ کا باوجود حجرہ مبارکہ میں چوتھی قبر کی جگہ موجود ہونے کے اس میں اپنے دفن کئے جانے کے احکام نہ دینا اس بات کا بیّن ثبوت ہے کہ حسب الحکم رسول کریمﷺ وہ جگہ حضرت عائشہ صدیقہؓ نے حضرت عیسیٰ علیہ السلام کے لئے چھوڑ دی تھی۔ جو نازل ہوکر فوت ہوں گے۔ اس خالی جگہ میں دفن ہوکر رسول کریمﷺ کی پیش گوئی پوری کریں گے۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۶…

ام المؤمنین حضرت صفیہؓ کا عقیدہ

حضرت شاہ عبدالعزیز صاحب محدث دہلویؒ قادیانیوں کے مسلم امام ومجدد صدی سیزدہم تفسیر عزیزی زیر تفسیر زیتون مندرجہ ذیل روایت لکھتے ہیں۔
’’ام المؤمنین حضرت صفیہؓ بیت المقدس کو تشریف لے گئیں اور مسجد اقصیٰ میں نماز پڑھ کر فارغ ہوئیں تو مسجد سے نکل کر طور زیتا پر تشریف لے گئیں اور وہاں بھی نماز پڑھی۔ پھر اس پہاڑ کے کنارے کھڑے ہوکر ارشاد فرمایا کہ یہ وہی پہاڑ ہے کہ حضرت عیسیٰ علیہ السلام یہاں سے آسمان پر تشریف لے گئے تھے۔‘‘
(تفسیر عزیزی پارہ۳۰)
اس روایت میں حضرت صفیہؓ صاف صاف اعلان فرمارہی ہیں کہ حضرت عیسیٰ علیہ السلام بجسدہ العنصری آسمان پر اٹھائے گئے تھے۔ اب خیال کیجئے آپ ام المؤمنین تھیں۔ واﷲ اعلم کتنے سو صحابہ کرام ساتھ ہوں گے۔ جن کے سامنے آپ نے یہ اعلان فرمایا تھا گویا جو صحابہ وہاں موجود تھے۔ یہ عقیدہ ان سب کا جزو ایمان تھا۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۷…

حضرت حذیفہ بن اسیدؓ کا عقیدہ

حضرت حذیفہؓ نے رسول کریمﷺ کی زبانی کئی علامات قیامت بیان فرمائی ہیں۔ ہم اس حدیث کو بیان کر آئے ہیں۔ وہاں ملاحظہ کر لیا جائے۔
اس متعلق صرف دو روایات پچھلے حدیثوں میں ہم نے بیان کی ہیں۔
پہلی حدیث یہاں سے ملاحظہ فرمائیں
دوسری حدیث یہاں سے ملاحظہ فرمائیں

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۸…

حضرت ام شریک بنت ابی الفکر صحابیہؓ کا عقیدہ

ہم نے ایک حدیث مرفوع ابوامامتہ الباہلیؓ سے نقل کی ہے۔ اس ساری حدیث کو پڑھیں تو اس میں حضرت ام شریکؓ صحابیہ کا موجود ہونا مذکور ہے۔ بلکہ حدیث رسول اﷲﷺ انہیں صحابیہ کے سوال کے جواب میں بیان کی گئی تھی۔ پس اس سے حضرت ام شریکؓ صحابیہ کا عقیدہ بھی معلوم ہوگیا۔

 

[محمدابوبکرصدیق]

حیات و نزول عیسی علیہ السلام کے متعلق صحابہ اکرام کے عقائد

۱۹…

حضرت انسؓ کا عقیدہ

ملاحظہ ہو جہاں انہوں نے ایک حدیث رسول کریمﷺ سے روایت کی ہے۔ جس میں حضرت عیسیٰ علیہ السلام کا آسمان سے نازل ہونا صاف صاف مذکور ہے۔ بیان ہوچکی۔