ختم نبوت فورم پر
مہمان
کو خوش آمدید ۔ فورم میں پوسٹنگ کے طریقہ کے لیے فورم کے استعمال کا طریقہ ملاحظہ فرمائیں ۔ پھر بھی اگر آپ کو فورم کے استعمال کا طریقہ نہ آئیے تو آپ فورم منتظم اعلیٰ سے رابطہ کریں اور اگر آپ کے پاس سکائیپ کی سہولت میسر ہے تو سکائیپ کال کریں ہماری سکائیپ آئی ڈی یہ ہے urduinملاحظہ فرمائیں ۔ فیس بک پر ہمارے گروپ کو ضرور جوائن کریں قادیانی مناظرہ گروپ
ختم نبوت فورم پر
مہمان
کو خوش آمدید ۔ فورم میں پوسٹنگ کے لیے آپ کو اردو کی بورڈ کی ضرورت ہوگی کیونکہ اپ گریڈنگ کے بعد بعض ناگزیر وجوہات کی بنا پر اردو پیڈ کر معطل کر دیا گیا ہے۔ اس لیے آپ پاک اردو انسٹالر کو ڈاؤن لوڈ کر کے اپنے سسٹم پر انسٹال کر لیں پاک اردو انسٹالر
مطلب یہ ہے کہ مسئلہ صرف ایک لفظ کے استعمال کرنے اور نہ کرنے کا نہیں ہے ، بلکہ یہودی اور مشرکین ، دونوں اس غصے اور حسد میں جل رہے ہیں کہ اللہ تعالیٰ نے قرآن مجید کی صورت میں یہ خیرعظیم تمہیں کیوں عطا فرمایا ہے۔
یعنی شریعت کے ایک ضابطے کو ہٹا کر کوئی دوسرا ضابطہ مقرر کرتے ہیں۔ اصل میں لفظ ’
اِنْسَاء
‘ استعمال ہوا ہے ، یعنی فراموش کرا دینا ۔ اس سے قرآن نے توراۃ کے ان احکام کی طرف اشارہ کیا ہے جن سے یہود نے بےپروائی برتی اور ان کے اس جرم کی پاداش میں وہ ان کے ذہنوں سے محو کردیے گئے۔ اصل الفاظ ہیں : ’
نَاْتِ بِخَیْرٍ مِّنْھَآ اَوْمِثْلِھَا
‘۔ ان میں ’
اَوْ
‘ تقسیم کے لیے ہے، یعنی توراۃ کے وہ ضابطے جو منسوخ کردیے گئے ، تمدن کے ارتقا اور حالات کی تبدیلی کے پیش نظر ان سے بہتر ضابطے دیتے ہیں ، اور جو بھلا دیے گئے ، ان کی جگہ انھی جیسے بعض دوسرے ضوابط نازل کردیتے ہیں۔ اِن دونوں باتوں میں سے کوئی بات بھی ایسی نہیں ہے جو قابل اعتراض قرار دی جاسکے۔ پہلی چیز حالات کے تغیر کا لازمی تقاضا ہے اور دوسری دین کی دولت کے اس ضیاع کا لازمی نتیجہ جو تمہارے ہاتھوں سے ہوا اور جس کے باعث ضروری تھا کہ اب دین کے خزانے کو نئی دولت سے معمور کیا جائے۔
اصل میں لفظ ’
سُؤَال
‘ استعمال ہوا ہے۔ عربی زبان میں یہ کئی معنوں میں آتا ہے۔ یہاں موقع کلام دلیل ہے کہ یہ معترضانہ سوال کے مفہوم میں ہے۔ اِس سے اوپر والی آیت میں جس طرح یہود کو تنبیہ کی گئی ہے ، اسی طرح یہ مسلمانوں میں ان کی نمائندگی کرنے والوں کو تنبیہ ہے۔ تاہم ان سوالات کے پس پردہ بھی چونکہ یہود ہی کا ذہن کارفرما تھا ، اس وجہ سے قرآن نے یہ کہہ کر کہ اس طرح کی باتیں اس سے پہلے موسیٰ سے پوچھی گئیں ، بڑی بلاغت کے ساتھ انھیں بھی توجہ دلا دی ہے کہ اللہ تعالیٰ ان کی سازشوں اور وسوسہ اندازیوں سے بیخبر نہیں ہے۔
اصل میں لفظ ’
عَفْو
‘ استعمال ہوا ہے۔ یہ جس طرح دل سے معاف کردینے کے معنی میں آتا ہے ، اسی طرح درگذر کرنے ، چشم پوشی کرنے اور نظر انداز کردینے کے معنی میں بھی استعمال ہوتا ہے۔ قرآن مجید میں اس معنی کی نظیر
سورة مائدہ
(٥) کی آیت ١٥ میں دیکھ لی جاسکتی ہے۔ یہی فیصلہ ہے جو یہود پر اتمام حجت کے بعد ان کے قتل ، جلاوطنی ، اور ان سے جزیہ لینے اور انھیں مسلمانوں کا زیر دست بنا کر رکھنے کی صورت میں صادر ہوا۔
تمام دین کی بنیاد اور تمام اصلاح و تربیت کی اساس ، قرآن کی رو سے یہ نماز اور زکوۃ ہی ہیں۔ چنانچہ اس طرح کے سب مواقع پر وہ معاندین اسلام کے فتنوں کا مقابلہ کرنے کے لیے بالعموم انھی کی تاکید کرتا ہے۔
یعنی یہودی کہتے ہیں کہ جب تک یہودی نہ ہو اور نصرانی کہتے ہیں کہ جب تک نصرانی نہ ہو۔ یہ لف کا اسلوب ہے جس میں کلام کے بعض حصے سامع کی ذہانت پر اعتماد کرتے ہوئے حذف کردیے جاتے ہیں۔
یعنی اپنی پوری زندگی کو خدا کی شریعت کے تابع کردیا۔اصل میں لفظ ’
مُحْسِنٌ
‘ استعمال ہوا ہے۔ اس کے معنی کسی کام کو اس کے بہترین طریقے پر کرنے کے ہیں۔ دین میں جب کوئی عمل اس طرح کیا جائے کہ اس کی روح اور قالب پورے توازن کے ساتھ پیش نظر ہوں ۔ اس کا ہر جز بہ تمام و کمال ملحوظ رہے تو اسے احسان کہا جاتا ہے۔ لفظ ’
مُحْسِنٌ
‘ اسی احسان سے بنا ہے۔ نبی (صلی اللہ علیہ وآلہ وسلم) نے اس کی وضاحت میں فرمایا ہے کہ اللہ تعالیٰ کی بندگی جب اس احساس کے ساتھ کی جائے گویا ہم اسے دیکھ رہے ہیں تو یہ احسان ہے۔ یعنی یہودی اور نصرانی نہیں ، بلکہ یہ وہ لوگ ہیں جو جنت کے مستحق قرار پائیں گے۔
مسلم ، رقم ٩٣۔
مطلب یہ ہے کہ فرقہ دارانہ تعصبات نے ان کے اندر حق و باطل میں امتیاز کی صلاحیت ہی باقی نہیں رہنے دی۔ یہ اب حق کو حق کی بنیاد پر نہیں، بلکہ اپنے فرقوں اور گروہوں کے حوالے سے پہچانتے ہیں۔ چنانچہ تمہاری مخالفت سے الگ ان کی باہمی تکفیر و تفسیق کی حالت بھی یہ ہے کہ دونوں ایک ہی کتاب پڑھتے ہیں، مگر ایک دوسرے کی کوئی جڑ بنیاد تسلیم نہیں کرتے۔ یعنی اس نیت کے ساتھ اور انھی محرکات کے تحت جو یہود کے اس طرح کی بات کہنے کا باعث بنے ہیں۔ اِس سے مراد مشرکین عرب ہیں۔ یہ چونکہ صدیوں سے کتاب اور نبوت ، دونوں سے ناآشنا تھے ، اس لیے ان کا ذکر ان الفاظ میں ہوا ہے۔ اِس میں اگر غور کیجیے تو مخاطبین کے لیے وعید کے ساتھ نبی (
صلی اللہ علیہ وآلہ وسلم
) کے لیے یہ تسلی بھی ہے کہ تم اس نزاع میں صرف حق پہنچا دینے ہی کے ذمہ دار ہو ۔ اس سے زیادہ تمہارے اوپر کوئی ذمہ داری نہیں ہے۔
اشارہ ہے اس جنگ وجدال کی طرف جو یہودو نصاریٰ کے درمیان بیت المقدس میں بھی ایک دوسرے کو خدا کی یاد اور اس کی عبادت سے روکنے کے لیے ہوا اور اس سے باہر بھی جہاں جہاں انھیں اس کا موقع ملا۔یعنی انبیاء (
علیہم السلام
) کے ذریعے سے ہدایت پانے کے بعد ان لوگوں کے لیے تو کسی طرح موزوں نہ تھا کہ خدا کی عبادت گاہوں کو ویران کریں ۔ اِنھیں تو ان میں ہمیشہ اللہ سے ڈرتے اور لرزتے ہوئے داخل ہونا چاہیے تھا۔
یہودو نصاریٰ ، دونوں کا قبلہ بیت المقدس تھا ، لیکن نصاریٰ نے غالباً اس میں سیدہ مریم کے مقام اعتکاف کی رعایت سے مشرق کو قبلہ بنا لیا اور یہود نے ان کی ضد میں مغرب کی سمت اختیار کرلی ۔ پھر اس اختلاف کے باعث ان کے مابین خوب خوب لڑائی ہوئی اور دونوں نے ایک دوسرے کے معبدوں کی حرمت پوری بےدردی کے ساتھ پامال کی۔ یعنی قبلہ کے معاملے میں اصل چیز اللہ کا حکم ہے۔ وہ مشرق و مغرب کا مالک ہے۔ لہٰذا اس کے حکم پر تم جدھر رخ کرو گے، اللہ ہی کی طرف رخ کرو گے۔ یہ تم ہو جو اپنی جہالت اور اپنے تعصبات کے اسیر ہوجاتے ہو، ورنہ اللہ تو بڑی وسعت والا ہے، وہ ہر چیز کا علم رکھتا ہے۔
![ختم نبوت فورم[Khatmenbuwat Forum]](/styles/default/xenforo/khatmnbuwat_logo.jpg){kind=logo}
