ختم نبوت فورم پر
مہمان
کو خوش آمدید ۔ فورم میں پوسٹنگ کے طریقہ کے لیے فورم کے استعمال کا طریقہ ملاحظہ فرمائیں ۔ پھر بھی اگر آپ کو فورم کے استعمال کا طریقہ نہ آئیے تو آپ فورم منتظم اعلیٰ سے رابطہ کریں اور اگر آپ کے پاس سکائیپ کی سہولت میسر ہے تو سکائیپ کال کریں ہماری سکائیپ آئی ڈی یہ ہے urduinملاحظہ فرمائیں ۔ فیس بک پر ہمارے گروپ کو ضرور جوائن کریں قادیانی مناظرہ گروپ
ختم نبوت فورم پر
مہمان
کو خوش آمدید ۔ فورم میں پوسٹنگ کے لیے آپ کو اردو کی بورڈ کی ضرورت ہوگی کیونکہ اپ گریڈنگ کے بعد بعض ناگزیر وجوہات کی بنا پر اردو پیڈ کر معطل کر دیا گیا ہے۔ اس لیے آپ پاک اردو انسٹالر کو ڈاؤن لوڈ کر کے اپنے سسٹم پر انسٹال کر لیں پاک اردو انسٹالر
یہ اب ایک دوسرے عہد کا حوالہ دیا ہے۔
یعنی جب یہ اقرار تم نے کیا تو تمہارے بزرگوں کی پوری جماعت اس وقت سیدنا موسیٰ (علیہ السلام) کے ساتھ موجود تھی۔ توراۃ سے معلوم ہوتا ہے کہ موسیٰ (علیہ السلام) کا طریقہ یہی تھا کہ وہ بنی اسرائیل کو اللہ تعالیٰ کے احکام سے ہمیشہ سب لوگوں کے سامنے آگاہ کرتے اور پھر پوری جماعت سے ان کی پابندی کا عہد لیتے تھے۔
لیکن پھر بھی تم نے آپس میں قتل کیا اور آپس کے ایک فرقے کو جلاوطن بھی کیا اور گناہ اور زیادتی کے کاموں میں ان کے خلاف دوسرے کی طرف داری کی، ہاں جب وہ قیدی ہو کر تمہارے پاس آئے تم نے ان کے فدیے دیئے، لیکن ان کا نکالنا جو تم پر حرام تھا اس کا کچھ خیال نہ کیا، کیا بعض احکام پر ایمان رکھتے ہو اور بعض کے ساتھ کفر کرتے ہو (١) تم میں سے جو بھی ایسا کرے، اس کی سزا اس کے سوا کیا ہو کہ دنیا میں رسوائی اور قیامت کے عذاب کی مار، اور اللہ تعالیٰ تمہارے اعمال سے بےخبر نہیں۔
اصل میں لفظ ’
اَلرُّسُل
‘ آیا ہے۔ یہ نبوت سے آگے ایک خاص منصب کے حاملین کے لیے بھی آتا ہے اور خدا کے فرستادوں کے لیے ایک عام لفظ کے طور پر بھی ۔ قرآن میں جبرائیل امین کو اسی دوسرے معنی میں’
رَسُوْلٌ کَرِیْم
‘ کہا گیا ہے۔ یہ معلوم ہے کہ پہلے معنی میں رسول کی حیثیت بنی اسرائیل کے لیے سیدنا موسیٰ (علیہ السلام) کے بعد صرف حضرت مسیح کو حاصل تھی۔ اس وجہ سے یہ بالکل قطعی ہے کہ یہاں یہ لفظ دوسرے معنی میں استعمال ہوا ہے اور اس سے مراد انبیاے بنی اسرائیل ہیں۔
یعنی اوپر جس عہد کا ذکر ہوا ہے ، اس کی یاددہانی کے لیے پھر ہم نے سلسلہ نبوت کو تمہارے اندر بغیر کسی انقطاع کے قائم رکھنے کا یہ اہتمام بھی کیا۔
پرانے صحیفوں میں ’ الروح القدس ‘ سے جبرائیل امین مراد لیے جاتے ہیں۔
سیدنا مسیح (علیہ السلام) کے لیے روح القدس کی تائید کا یہ ذکر اس لیے کیا جاتا ہے کہ ان سے جو کھلے کھلے معجزے صادر ہوئے ، یہود نے اپنی بدبختی کے باعث انھیں بدروحوں کے سردار بعلز بول کی تائید کا نتیجہ قرار دیا ۔ متی باب ١٢ میں ہے :
” اس وقت لوگ اس کے پاس ایک اندھے گونگے کو لائے جس میں بدروح تھی۔ اس نے اسے اچھا کردیا ۔ چنانچہ وہ گونگا بولنے اور دیکھنے لگا اور ساری بھیڑ حیران ہو کر کہنے لگی کہ کیا یہ ابن داؤد ہے ؟ فریسیوں نے سن کر کہا : یہ بدروحوں کے سردار بعلزبول کی مدد کے بغیر بدروحوں کو نہیں نکالتا ۔ اس نے ان کے خیالوں کو جان کر ان سے کہا : جس بادشاہی میں پھوٹ پڑتی ہے ، وہ ویران ہوجاتی ہے اور جس شہر یا گھر میں پھوٹ پڑے گی ، وہ قائم نہ رہے گا ۔ اور اگر شیطان ہی نے شیطان کو نکالا تو وہ آپ اپنا مخالف ہوگیا ۔ پھر اس کی بادشاہی کیونکر قائم رہے گی اور اگر میں بعلز بول کی مدد سے بدروحوں کو نکالتا ہوں تو تمہارے بیٹے کس کی مدد سے نکالتے ہیں ؟ پس وہی تمہارے منصف ہوں گے۔ لیکن اگر میں خدا کے روح کی مدد سے بدروحوں کو نکالتا ہوں تو خدا کی بادشاہی تمہارے پاس آپہنچی ۔ “ (٢٢۔ ٢٨)
اصل الفاظ ہیں: ’
وَفَرِیْقًا تَقْتُلُوْنَ
‘۔ ان میں فعل اس مفہوم کے لحاظ سے آیا ہے جو اس سے پہلے کے افعال میں ’ کُلَّمَا ‘ کے لفظ سے پیدا ہوگیا ہے۔
ان کی اس بات کا مطلب یہ تھا کہ اس پیغمبر کی باتوں کے لیے ہمارے دل بند ہیں ، اس لیے کہ ان کی باتیں ہی ایسی ہیں جو کسی معقول آدمی کے دل میں نہیں اتر سکتیں ۔ اگر ان میں کچھ بھی معقولیت ہوتی تو سب سے بڑھ کر ہم انھیں قبول کرتے ۔یعنی پیغمبر جو باتیں ان کے سامنے پیش کر رہے ہیں ، وہ ہرگز ایسی نہیں ہیں۔ وہ تو نہایت معقول اور دل میں اترنے والی باتیں ہیں ، لیکن اپنی ضد اور ہٹ دھرمی کے باعث یہ ان کو سمجھنے اور ماننے کی صلاحیت سے محروم ہوگئے ہیں۔ چنانچہ کفر کا ارتکاب کر رہے ہیں اور اس کی پاداش میں اللہ نے ان پر لعنت کردی ہے۔
یعنی قرآن مجید۔
نبی (صلی اللہ علیہ وآلہ وسلم) اور قرآن مجید کے بارے میں جو پیشین گوئیاں یہود کے ہاں موجود تھیں، ان کی بنا پر انھیں امید تھی کہ جب ان کا ظہور ہوگا تو ان کی بدبختی کے دن دور ہوجائیں گے اور ان کے دشمنوں پر انھیں فتح حاصل ہوگی ۔ چنانچہ اس حوالے سے وہ فتح کی دعائیں مانگتے تھے۔
مطلب یہ ہے کہ اپنی ضد قائم رکھی اور اس بات کی کوئی پروا نہیں کی کہ اس طرح وہ اپنے آپ کو دوزخ کے حوالے کر رہے ہیں۔ گویا یہ ضد انھیں ایسی عزیز ہوگئی کہ اس سے انھوں نے اپنی جانوں کا مبادلہ کرلیا۔
اصل میں ’
بَغْیًا اَنْ یُّنَزِّلَ اللّٰہُ
‘ کے الفاظ آئے ہیں۔ ’ اَنْ ‘ سے پہلے ’ علٰی ‘ ان میں عربی قاعدے کے مطابق حذف ہوگیا ہے، یعنی محض اس ضد کی بنا پر کہ یہ قرآن بنی اسماعیل پر کیوں اترا ہے ، خود ان کے اندر کے کسی پیغمبر پر کیوں نہیں اترا۔
غضب پر غضب کے معنی یہ ہیں کہ سیدنا موسیٰ (علیہ السلام) کی وساطت سے خدا کے ساتھ باندھا ہوا عہد توڑ دینے کے باعث مغضوب تو وہ پہلے ہی تھے ، لیکن قرآن کے ذریعے سے جب ایک مرتبہ پھر انھیں اس عہد میں داخل ہونے کا موقع ملا اور انھوں نے اس سے فائدہ نہیں اٹھایا تو ایک کے بعد اب وہ دوسرے غضب کے بھی مستحق ہوگئے ہیں.
اصل الفاظ ہیں : ’
وَاَنْتُمْ ظٰلِمُوْنَ
‘۔ قرآن کی رو سے سب سے بڑا ظلم چونکہ شرک ہے ، اس لیے ’
وَاَنْتُمْ ظٰلِمُوْنَ
‘ یہاں ٹھیک ’ وانتم مشرکون ‘ کے مفہوم میں ہے۔ مطلب یہ ہے کہ توراۃ پر اپنے ایمان کے دعوے میں اگر تم سچے ہو تو سیدنا موسیٰ کے دنیا میں ہوتے ہوئے بچھڑے کی پرستش کر کے پھر تم نے اس ظلم کا ارتکاب کیوں کیا ؟ پچھلے نبیوں نے بنی اسرائیل کی تاریخ کے اسی شرم ناک واقعے کی طرف تعریض کرتے ہوئے یہاں تک کہا کہ اے اسرائیل ، تو تو وہ ہے کہ تو نے پہلی شب میں بےوفائی کی ہے۔
یعنی آخرت کی نعمتوں کے حق دار اس دنیا میں اگر تنہا تمھی ہو۔قرآن نے یہ یہود کو شرم دلائی ہے کہ آخرت اگر تمہارے لیے خاص ہے تو اس کا تقاضا تو یہ ہونا چاہیے کہ تم اپنے پروردگار سے ملاقات کے لیے موت کی آرزوئیں کرو، لیکن تمہیں معلوم ہے کہ تم جینے کے کیسے حریص ہو ۔ یہ حقیقت ، ظاہر ہے کہ یہود کے لیے بڑی تلخ اور انھیں اپنی نگاہوں میں بالکل رسوا کردینے والی تھی۔
![ختم نبوت فورم[Khatmenbuwat Forum]](/styles/default/xenforo/khatmnbuwat_logo.jpg){kind=logo}
