قومی اسمبلی میں ہونے والی اکیس دن کی مکمل کاروائی

[محمدابوبکرصدیق]

2492خدا نے مجھے اس اصول پر قائم کیا ہے کہ محسن گورنمنٹ برطانیہ کی سچی اطاعت کی جائے
​

’’سو خداتعالیٰ نے مجھے اس اصول پر قائم کیا ہے کہ محسن گورنمنٹ کی جیسا کہ یہ گورنمنٹ برطانیہ ہے سچی اطاعت کی جائے اور سچی شکرگزاری کی جائے۔‘‘
(تحفہ قیصریہ ص۱۱، خزائن ج۱۲ ص۲۶۳)

 

[محمدابوبکرصدیق]

گورنمنٹ کی سچی اطاعت کے لئے تصانیف
​

’’سو میں اور میری جماعت اس اصول کے پابند ہیں۔چنانچہ میں نے اس مسئلہ پر عملدرآمد کرانے کے لئے بہت سی کتابیں عربی، فارسی اور اردو میں تالیف کیں۔‘‘
(تحفہ قیصریہ ص۱۱، خزائن ج۱۲ ص۲۶۳)

 

[محمدابوبکرصدیق]

گورنمنٹ برطانیہ کی نسبت خیال جہاد بھی ظلم اور بغاوت ہے
​

’’پھر اس مبارک اور امن بخش گورنمنٹ کی نسبت کوئی خیال بھی جہاد کا دل میں لاناکس قدر ظلم اور بغاوت ہے۔‘‘
(تحفہ قیصریہ ص۱۲، خزائن ج۱۲ ص۲۶۴)

 

[محمدابوبکرصدیق]

ملکہ سے وفاداری پر عظیم الشان خوشی
​

’’اس خدا کا شکر ہے جس نے آج ہمیں یہ عظیم الشان خوشی کا دن دکھلایا کہ ہم نے اپنی ملکہ معظمہ قیصرہ ہند وانگلستان کی شست سالہ جوبلی کو دیکھا۔ جس قدر اس دن کے آنے سے مسرت ہوئی۔ کون اس کا اندازہ کر سکتا ہے؟ ہماری محسنہ قیصرہ مبارکہ کو ہماری 2493طرف سے خوشی اور شکر سے بھری ہوئی مبارکباد پہنچے۔ خداملکہ معظمہ کو ہمیشہ خوشی سے رکھے۔‘‘
(تحفہ قیصریہ ص۲، خزائن ج۱۲ ص۲۵۴)

 

[محمدابوبکرصدیق]

مرزاجی! کی کلمہ شاہانہ کے لئے تڑپ اور دربار انگریزیہ میں انتہائی عاجزانہ وفاداری
​

’’مگر مجھے نہایت تعجب ہے کہ ایک کلمہ شاہانہ سے بھی میں ممنون نہیں کیاگیا اور میرا کانشنز ہرگز اس بات کو قبول نہیں کرتا کہ وہ ہدیہ عاجزانہ یعنی رسالہ تحفہ قیصریہ حضور ملکہ معظمہ میں پیش ہوا ہو اور پھر میں اس کے جواب سے ممنون نہ کیا جاؤں۔ یقینا کوئی اور باعث ہے۔ جس میں جناب ملکہ معظمہ قیصر ہند دام اقبالہا کے ارادہ اور مرضی اور علم کو کچھ دخل نہیں۔ لہٰذا اس حسن ظن نے جو میں حضور ملکہ معظمہ دام اقبالہا کی خدمت میں رکھتا ہوں۔ دوبارہ مجھے مجبور کیا کہ میں اس تحفہ یعنی رسالہ تحفہ قیصریہ کی طرف جناب ممدوحہ کو توجہ دلاؤں اور شاہانہ منظوری کے چند الفاظ سے خوشی حاصل کروں۔ اسی غرض سے یہ عریضہ روانہ کر رہا ہوں۔‘‘
(ستارہ قیصریہ ص۲، خزائن ج۱۵ ص۱۱۲)

 

[محمدابوبکرصدیق]

حکومت انگریزی کے قیام سے میرے والد کو جواہرات کا خزانہ مل گیا
​

’’اور پھر جب گورنمنٹ انگریزی کا اس ملک پر دخل ہوگیا تو وہ اس نعمت یعنی انگریزی حکومت کی قائمی سے ایسے خوش ہوئے کہ گویا ان کو ایک جواہرات کا خزانہ مل گیا۔‘‘
(ستارہ قیصریہ ص۳، خزائن ج۱۵ ص۱۱۳)

 

[محمدابوبکرصدیق]

2494میرے والد سرکار انگریزی کے بڑے خیرخواہ جانثار تھے
​

’’اور وہ سرکار انگریزی کے بڑے خیرخواہ جانثار تھے۔ اسی وجہ سے انہوں نے ایام غدر ۱۸۵۷ء (یعنی جہاد آزادی) میں پچاس گھوڑے معہ سوار ان بہم پہنچا کر سرکار انگریزی کو بطور مدد دئیے تھے اوروہ بعد اس کے بھی ہمیشہ اس بات کے لئے مستعد رہے کہ اگر پھر بھی کسی وقت انکی مدد کی ضرورت ہو توبہ دل وجان اس گورنمنٹ (برطانیہ) کو مدد دیں۔‘‘
(ستارہ قیصریہ ص۳، خزائن ج۱۵ ص۱۱۳)

 

[محمدابوبکرصدیق]

مرزاجی! نے سرکار انگریز کی خدمت کے لئے پچاس ہزار کے قریب کتابیں، رسائل اور اشتہارات لکھے
​

’’اور مجھ سے سرکار انگریزی کے حق میں جو خدمت ہوئی وہ یہ تھی کہ میں نے پچاس ہزار کے قریب کتابیں اور رسائل اور اشتہارات چھپوا کر اس ملک اور نیز دوسرے بلاد اسلامیہ میں اس مضمون کے شائع کئے کہ گورنمنٹ انگریزی ہم مسلمانوںکی محسن ہے۔‘‘
(ستارہ قیصریہ ص۳، خزائن ج۱۵ ص۱۱۴)

 

[محمدابوبکرصدیق]

گورنمنٹ برطانیہ کی سچی اطاعت ہر مسلمان کا فرض ہے
​

’’لہٰذا ہر ایک مسلمان کا یہ فرض ہونا چاہئے کہ اس گورنمنٹ (برطانیہ) کی سچی اطاعت کرے اور دل سے اس دولت کا شکرگزار اور دعاگو رہے۔‘‘
(ستارہ قیصریہ ص۳، خزائن ج۱۵ ص۱۱۴)

 

[محمدابوبکرصدیق]

ممالک اسلامیہ میں انگریزی وفاداری کی اشاعت
​

’’اور یہ کتابیں میں نے مختلف زبانوںیعنی اردو، فارسی، عربی میں تالیف کر کے اسلام کے تمام ملکوں میں پھیلا دیں۔‘‘
(ستارہ قیصریہ ص۳، خزائن ج۱۵ ص۱۱۴)