احتسابِ قادیانیت جلدنمبر 14

[محمدابوبکرصدیق]

کذبات مرزا ’’ایام الصلح‘‘ 88 (آیت فلما توفیتنی کے ترجمعے میں مرزا کا دجل و فریب)

۸۸… ’’آیت فلما توفیتنی ‘‘ نے صاف اس بات کا فیصلہ کر دیا ہے کہ عیسائی عقیدہ میں جس قدر بگاڑ اور فساد ہوا ہے وہ حضرت عیسیٰ علیہ السلام کی وفات کے بعد ہوا۔
(ایام الصلح ص۳۸، خزائن ج۱۴ ص۲۶۹)
ابوعبیدہ: مرزاقادیانی کی ضرورت ہے کہ آپ نے کلام اﷲ، حدیث نبوی، اقوال آئمہ کے خلاف ’’ فلما توفیتنی ‘‘ کے معنی موت کر لئے۔ ورنہ جب ابن عباسؓ جیسے آپ کے مسلمہ مفسر اس کے معنی رفعتنی (یعنی جب تو نے مجھے آسمان پر زندہ اٹھا لیا) کرتے ہیں تو آپ کس منہ سے اس سے موت مراد لیتے ہیں؟ پس یہ آپ کا افتراء علی اﷲ ہے۔ اگر سچے ہو تو اپنے تسلیم کئے ہوئے مجددین امت میں سے کسی ایک مجدد ہی سے اپنی تصدیق کرادو۔ ورنہ جھوٹ بولنے سے توبہ کرو۔

 

[محمدابوبکرصدیق]

کذبات مرزا ’’ایام الصلح‘‘ 89 (توفی کے معنی نیند ہر گز نہیں ہو سکتے بقول مرزا قادیانی)

۸۹… ’’توفی نیند کو ہرگز نہیں کہتے اور کبھی یہ لفظ نیند پر اطلاق نہیں کیاگیا اور نہ قرآن میں نہ کسی لغت کی کتاب میں۔ نہ حدیث کی کتابوں میں نیند کے معنی لئے گئے۔‘‘
(ایام الصلح ص۴۰، خزائن ج۱۴ ص۲۷۱)
ابوعبیدہ: واہ مرزاقادیانی خود ہی تو آپ نے اس کے خلاف لکھا ہے۔ ’’نیند کے محل پر توفی کا لفظ صرف دو جگہ قرآن شریف میں آیا ہے… توفی کا لفظ جو قرآن شریف میں استعمال کیاگیا ہے۔ خواہ وہ اپنے حقیقی معنوں پر مستعمل ہے۔ یعنی موت پر یا غیر حقیقی معنوں پر معنی نیند پر۔‘‘
(ازالہ اوہام ص۳۳۷،۳۳۸، خزائن ج۳ ص۲۷۲)
پھر (ایام الصلح ص۴۰، خزائن ج۱۴ ص۲۷۱) پر مذکور بالا عبارت سے ذرا آگے توفی بمعنی نیند بھی آپ نے تسلیم کیا ہے۔ میں حیران ہوں کہ آپ نے کس قدر جرأت سے تمام دنیا کو اندھا بنارکھا ہے۔ کیا سب لوگ اندھے بن جائیں گے؟ این خیال است ومحال است وجنون۔

 

[محمدابوبکرصدیق]

کذبات مرزا ’’ایام الصلح‘‘ 90 ،91 ( خدا جھوٹوں کو مہلت نہیں دیتا، مرزا کا جھوٹ)

۹۱،۹۰… ’’اس جگہ یہ بھی یاد رہے کہ یہ انسان کا کام نہیں کہ بارہ برس پہلے ایک دعویٰ سے الہامی عبارت لکھ کر اس دعویٰ کی تمہید قائم کرے اور پھر سالہا سال کے بعد ایسا دعویٰ کرے۔ جس کی بنیاد ایک مدت دراز پہلے قائم کی گئی ہے۔ ایسا باریک مکر نہ انسان کر سکتا ہے نہ خدا اس کو ایسے افتراؤں میں اس قدر مہلت دے سکتا ہے۔‘‘
(ایام الصلح ص۴۲، خزائن ج۱۴ ص۲۷۲)
ابوعبیدہ: مرزاقادیانی اس جگہ جناب نے دو جھوٹوں کا ارتکاب علی رؤس الاشہاد کیا ہے۔
اوّل… آپ جیسے سینکڑوں نہیں تو بیسیوں ایسے شوقین مہدویت ومسیحیت ونبوت پیدا ہوئے جو آپ کی طرح کئی تدبیریں کر کے چند روز کے لئے آپ سے بڑھ کر کامیاب ہوئے مگر آخر زمانہ نے خود انہیں مٹا دیا۔
دوم… خدا پر بھی ساتھ ہی افتراء باندھا کہ وہ جھوٹوں کو مہلت نہیں دیتا۔ حالانکہ اﷲ تعالیٰ فرماتے ہیں: ’’ انما نملی لہم لیزدا دوا اثما ولہم عذاب مہین (آل عمران:۱۸۷)‘‘ ہم تو فرصت دیتے ہیں ان کو تابڑھتے جائیں گناہ میں اور ان کے لئے ذلت کا عذاب ہے۔
دوسری جگہ فرماتے ہیں: ’’ والذین کذبوا بایتنا سنستدرجہم من حیث لا یعلمون واملی لہم ان کیدی متین (اعراف:۱۸۲،۱۸۳)‘‘ جنہوں نے جھٹلائیں ہماری آیتیں ان کو ہم سہج سہج پکڑیں گے۔ جہاں سے وہ نہ جانیں گے اور ان کو فرصت دوں گا۔ بے شک میرا داؤ پکا ہے۔
(دیکھو جھوٹ نمبر:۸۷)

 

[محمدابوبکرصدیق]

کذبات مرزا ’’ایام الصلح‘‘ 92 (موسی و عیسیؑ زندہ ہوتے تو، مرزا کا آپ ﷺ پر جھوٹ و بہتان)

۹۲… ’’ایک حدیث میں آنحضرتﷺ نے یہ بھی فرمایا کہ اگر موسیٰ علیہ السلام وعیسیٰ علیہ السلام زندہ ہوتے تو میری پیروی کرتے۔‘‘
(ایام الصلح ص۴۲، خزائن ج۱۴ ص۲۷۳)
ابوعبیدہ: مرزاقادیانی! کیوں دنیا جہان کے لوگوں کی آنکھوں میں مٹی جھونک کر مطلب براری کرتے ہو۔ کیا آپ نے ساری دنیا کو اپنے مریدین کی طرح ہی سادہ لوح سمجھ رکھا کہ کوئی تحقیق سے کام نہ لے گا اور کہہ دے گا کہ سر تسلیم خم ہے۔ جو مزاج یار میں آئے۔ نہیں بلکہ دنیا میں بال کی کھال اتارنے والے بھی موجود ہیں۔ اگر آپ یہ حدیث کسی حدیث کی کتاب سے دکھادیں تو ہم آپ کی تردید کرنی چھوڑ دیں گے۔ صحیح حدیث میں صرف موسیٰ علیہ السلام کا ذکر ہے اور کسی کا بھی نہیں۔

 

[محمدابوبکرصدیق]

کذبات مرزا ’’ایام الصلح‘‘ 93 (آسمان پر جانے کے بعد واپس کوئی نہیں آسکتا)

۹۳… ’’نہ اب تک کسی زمانہ میں یہ عادۃ اﷲ ثابت ہوئی کہ کوئی شخص دنیا سے جاکر پھر واپس آیا ہو اور جب سے کہ دنیا پیدا ہوئی۔ آج تک ایک بھی نظیر اس قسم کی واپسی کی پائی نہیں گئی۔‘‘
(ایام الصلح ص۴۶، خزائن ج ۱۴ ص۲۷۸)
ابوعبیدہ: (ازالہ اوہام ص۲۸۹، خزائن ج۳ ص۲۴۷) پر خود آپ نے تسلیم کیا ہے کہ: ’’رسول کریمﷺ کے معراج کے متعلق قریباً تمام صحابہ کا یہی عقیدہ تھا کہ رسول کریمﷺ کا رفع الیٰ السماء جسمانی تھا۔‘‘ تو کیا رسول کریمﷺ واپس نہیں آئے تھے؟

 

[محمدابوبکرصدیق]

کذبات مرزا ’’ایام الصلح‘‘ 94 (مسیح کے زمانے میں طاعون بھوٹے گی ، مرزا کا نبی کریمﷺ پر جھوٹ)

۹۴… ’’ایسا ہی حدیثوں میں بھی مندرج تھا کہ ان دنوں میں ( مسیح موعود کے زمانہ میں) طاعون بھی پھوٹے گی۔‘‘
(ایام الصلح ص۴۹، خزائن ج۱۴ ص۲۸۰)
ابوعبیدہ: مرزاقادیانی! آپ ایک ہی ایسی حدیث بتائیں تو انعام لیں۔ لیکن شرط یہ ہے کہ گندم بمعنی گڑ نہ کریں۔ مسیح علیہ السلام کے متعلق جس قدر احادیث ہیں۔ کسی ایک میں بھی طاعون پھوٹنے کا ذکر نہیں ہے۔

 

[محمدابوبکرصدیق]

کذبات مرزا ’’ایام الصلح‘‘ 95 (ریل کی وجہ سے اونٹ بیکار ہو گئے)

۹۵… ’’بباعث ریل اکثر اونٹ بیکار ہوگئے ہیں۔‘‘ (ایام الصلح ص۷۸، خزائن ج۱۴ ص۳۱۳)
ابوعبیدہ: تمام دنیا جاتی ہے کہ ابھی تک اونٹ بیکار نہیں ہوئے۔ بلکہ ایک معمولی اونٹ یک صد روپیہ (یہ ۱۹۳۶ء کی بات ہے۔ آج ۲۰۱۱ء میں تو پچاس ہزار میں بھی ایک اونٹ بمشکل ملتا ہے۔ مرتب) سے زیادہ قیمت میں ملتا ہے۔ کیا بیکار چیز کی بھی قیمت ہوا کرتی ہے۔ کیا مرزاقادیانی آپ کو معلوم نہیں کہ خود آپ کے بیان کردہ دجالی گروہ کے پاس باقاعدہ اونٹوں کے گلے ہیں۔ جو ’’کیمل کور (Camel Cover)‘‘ کے نام سے مشہور ہیں۔ پھر اونٹ بیکار کیسے ہو گئے ہیں؟

 

[محمدابوبکرصدیق]

کذبات مرزا ’’ایام الصلح‘‘ 96 (آخری زمانے میں بہت ساری نہریں نکالی جائیں گی، خدا تعالی پر جھوٹ)

۹۶… ’’دریاؤں میں سے بہت سی نہریں نکالی گئیں۔ یہ قرآن شریف میں بھی کہ آخری زمانہ میں کئی نہریں نکالی جائیں گی۔‘‘
(ایام الصلح ص۷۸، خزائن ج۱۴ ص۳۱۳)
ابوعبیدہ: مرزاقادیانی! کوئی آیت تو پڑھ کر سنائی ہوتی۔ مگر یاد رکھئے ہم تمہارے اپنے ایجاد کردہ معنی تسلیم نہیں کریں گے۔ بلکہ معنی وہ مانیں گے جو خود رسول پاکﷺ سے یا آپؐ کے صحابہ سے مروی ہوں یا کسی مجدد نے بیان کئے ہوں۔ آپ کے معنی خود غرضی پر مبنی ہوتے ہیں۔ جب آپ عالم ہی نہیں ہیں جیسا کہ آپ نے خود تسلیم کیا ہے۔‘‘
(ازالہ اوہام ص۱۵، خزائن ج۳ ص۶۳۵، ایام الصلح ص۱۴۷، خزائن ج۱۴ ص۳۹۴)
پھر آپ کے معنوں کا کیا اعتبار رہا؟

 

[محمدابوبکرصدیق]

کذبات مرزا ’’ایام الصلح‘‘ 97 (مجدد الف ثانی پر جھوٹ، علماء سے اختلاف ہو گا اور وہ حملہ کریں گے)

۹۷… ’’مجدد الف ثانی اپنے مکتوبات میں لکھتے ہیں کہ ضرور مسیح موعود کا بعض مسائل میں علماء وقت سے اختلاف ہوگا اور سخت نزاع واقع ہوگی اور قریب ہوگا کہ علماء ان پر حملہ کریں۔‘‘
(ایام الصلح ص۸۵، خزائن ج۱۴ ص۳۲۱)
ابوعبیدہ: صریح جھوٹ ہے۔ مجدد صاحب نے ایسا مضمون کہیں نہیں لکھا۔ مرزاقادیانی نے ان کے مضمون میں بہت بڑی تحریف کی ہے۔ وہاں امکان ظاہر کیا ہے۔ یہاں مرزاقادیانی نے ضرور بڑھادیا ہے۔ وہاں علماء ظاہر لکھا ہے۔ مرزاقادیانی نے عام علماء وقت جڑ دیا ہے۔ سخت نزاع اور حملہ تک کی نوبت تو ایجاد مرزا ہے۔ غرضیکہ تمام کی تمام عبارت حضرت مجدد صاحبؒ پر افتراء ہے۔

 

[محمدابوبکرصدیق]

کذبات مرزا ’’ایام الصلح‘‘ 98 (مسلمان اور قادیانیوں کے درمیان صرف ایک مسئلہ ہے ، جھوٹ)

۹۸… ’’یاد رہے کہ ہم میں اور ان لوگوں میں بجز اس ایک مسئلہ کے (حیات وفات مسیح علیہ السلام) اور کوئی مخالفت نہیں۔‘‘
(ایام الصلح ص۸۷، خزائن ج۱۴ ص۳۲۴)
ابوعبیدہ: مرزاقادیانی:

1. معراج نبوی کو آپ روحانی مانتے ہیں اور علماء امت جسمانی۔
2. علماء امت رسول پاکﷺ پر نبوت کو ختم سمجھیں اور آپ اور آپ کی جماعت نبوت کا اجراء بیان کریں۔
3. جمہور مسلمان حشر ونشر جسمانی کے قائل ہیں اور آپ منکر۔
4. پھر قرآن کی تفسیر آپ کی ۱۳۵۰سال کی اسلامی تفسیر کے خلاف ہے۔ باوجود اس کے کس منہ سے کہتے ہو کہ اور کوئی مخالفت نہیں؟ کیا محض دھوکہ دینے کی غرض سے جھوٹ بولنا جائز ہے۔ سبحان اﷲ!