احتسابِ قادیانیت جلدنمبر 14

[محمدابوبکرصدیق]

کذبات مرزا ’’ایام الصلح‘‘ 125 (نبی کریمﷺ زندہ ، مرزا جی نے تمام رسولوں کو مردہ قرار دے دیا)

۱۲۵… ’’ ما المسیح ابن مریم الا رسول قد خلت من قبلہ الرسل سے موت (عیسیٰ علیہ السلام) ثابت ہوئی۔‘‘
(ایام الصلح ص۱۳۹، خزائن ج۱۴ ص۳۸۴)
ابوعبیدہ: مرزاقادیانی! عقل علم آپ کا کہاں ہے کہ اب بے تکی ہانکنے پر اتر آئے ہیں۔ اس آیت سے تو عیسیٰ علیہ السلام بوقت نزول آیت (بزمانہ رسول کریمﷺ) زندہ ثابت ہوتے ہیں۔ جیسا کہ ’’ ما محمد الا رسول قد خلت من قبلہ الرسول ‘‘ کے نزول کے وقت رسول پاکﷺ زندہ تھے۔ صرف نام کا فرق ہے۔ باقی الفاظ وہی ہیں۔ عجیب انصاف ہے آپ کا۔ ایک میں موت اور دوسری میں حیات ثابت کر رہے ہیں۔

 

[محمدابوبکرصدیق]

کذبات مرزا ’’ایام الصلح‘‘ 126 (وہ آیت جس کا مسیحؑ سے کوئی تعلق ہی نہیں مرزا جی اس سے وفات ثابت کرتے رہے)

۱۲۶… ’’پھر قرآن شریف کی آیت ’’ فیہا تحیون ‘‘ سے موت ثابت ہوئی۔‘‘
(ایام الصلح ص۱۳۹، خزائن ج۱۴ ص۳۸۵)
ابوعبیدہ: کسی بھوکے سے کسی نے پوچھا تھا۔ دو دو کتنے؟ اس نے کہا تھا۔ چار روٹیاں۔ سو مرزاقادیانی کو اپنی مسیحیت ثابت کرنے کے لئے ہر ایک آیت میں وفات مسیح ہی نظر آتی ہے۔ حالانکہ اس آیت کا وفات مسیح سے کچھ بھی تعلق نہیں۔

 

[محمدابوبکرصدیق]

کذبات مرزا ’’ایام الصلح‘‘ 127 (ولکم فی الارض اور مرزے کا دجل)

۱۲۷… ’’پھر قرآن شریف کی آیت ’’ ولکم فی الارض ‘‘ مستقر سے موت ثابت ہوئی۔‘‘
(ایام الصلح ص۱۳۹، خزائن ج۱۴ ص۳۸۵)

سرگوشی : ابوعبیدہ: جواب جھوٹ نمبر:۱۲۶ ملاحظہ ہو۔

ابوعبیدہ: کسی بھوکے سے کسی نے پوچھا تھا۔ دو دو کتنے؟ اس نے کہا تھا۔ چار روٹیاں۔ سو مرزاقادیانی کو اپنی مسیحیت ثابت کرنے کے لئے ہر ایک آیت میں وفات مسیح ہی نظر آتی ہے۔ حالانکہ اس آیت کا وفات مسیح سے کچھ بھی تعلق نہیں۔

 

[محمدابوبکرصدیق]

کذبات مرزا ’’ایام الصلح‘‘ 128 (رفع اللہ الیہ اور مرزا کا دجل و فریب)

۱۲۸… ’’پھر آیت ’’ رفع اﷲ الیہ ‘‘ سے موت ثابت ہوئی۔‘‘
(ایام الصلح ص۱۳۹، خزائن ج۱۴ ص۳۸۵)
ابوعبیدہ: مرزاقادیانی! آپ کی جماعت تو میدان میں آپ کے جھوٹوں کا جواب نہیں دیتی۔ مگر انشاء اﷲ روز محشر دربار رب العالمین کے سامنے ان جھوٹوں کی صحت کا آپ سے مطالبہ کروں گا۔ اس آیت سے تمام صحابہ، تمام آئمہ مجتہدین، علماء مفسرین اور مجددین مسلمہ قادیانی توحیات مسیح کا عقیدہ رکھیں۔ آپ ہیں کہ غالباً مراق کی وجہ سے حیات کو موت کے معنوں میں لے رہے ہیں۔

 

[محمدابوبکرصدیق]

کذبات مرزا ’’ایام الصلح‘‘ 129 (خلا کے معنی انسانی گروہ کے ہیں)

۱۲۹… ’’تم ایک بھی ایسی آیت نہ پیش کر سکو گے۔ جس میں کسی انسانی گروہ کو خلت کا مصداق قرآن نے ٹھہرایا ہو اور پھر اس آیت کے معنی موت نہ ہوں بلکہ کچھ اور ہوں۔‘‘
(ایام الصلح ص۱۳۹ حاشیہ، خزائن ج۱۴ ص۳۸۴)
ابوعبیدہ: مرزاقادیانی! دوآیتیں تو مجھے بھی یاد ہیں۔
۱… ’’ واذا خلا بعضہم الی بعض (بقرہ:۷۶)‘‘
۲… ’’ واذا خلو الیٰ شیطینہم (بقرۃ:۱۴)‘‘
مزہ جب ہے کہ یہاں مرزاقادیانی! یا اس کی جماعت خلا کے معنی موت کر کے دکھائے۔ حالانکہ خلا یہاں مرزاقادیانی کی شرط کے ماتحت انسانی گروہ کے واسطے آیا ہے۔

 

[محمدابوبکرصدیق]

کذبات مرزا ’’ایام الصلح‘‘ 130 (کانا یا کلان الطعام سے موت ثابت ہوئی)

۱۳۰… ’’پھر ’’ کانا یاکلان الطعام ‘‘ سے موت ثابت ہوئی۔‘‘
(ایام الصلح ص۱۴۰، خزائن ج۱۴ ص۳۸۵)
ابوعبیدہ: مرزاقادیانی! کب معلوم ہوئی ہے۔ ۱۸۹۲ء کے بعد نا۔ پہلے کیوں معلوم نہ ہوئی۔ شاید پہلے آپ کو ان کی موت کی ضروت نہ تھی۔ ہائے خود غرضی تیرا ستیاناس!

 

[محمدابوبکرصدیق]

کذبات مرزا ’’ایام الصلح‘‘ 131 (واوصانی بالصلوۃ۔۔۔۔ سے وفات مسیح، اورمرزا کا دجل و فریب)

۱۳۱… ’’پھر آیت ’’ واوصانی بالصلوٰۃ والزکوٰۃ مادمت حیا ‘‘ سے موت ثابت ہوئی۔‘‘
(ایام الصلح ص۱۴۰، خزائن ج۱۴ ص۳۸۵)
ابوعبیدہ: مرزاقادیانی اور نہیں تو علم ہی کا شرم کیجئے۔ مراق کا غلبہ ہے۔ ورنہ اس آیت کا وفات مسیح سے کوئی تعلق نہیں۔ آپ کے اپنے ایجاد کردہ معنی قابل قبول نہیں۔ کسی مجدد مسلمہ کے معنی اپنی تصدیق میں پیش کیجئے۔

 

[محمدابوبکرصدیق]

کذبات مرزا ’’ایام الصلح‘‘ 132 (ومنکم من یتوفی و منکم۔۔۔ اور مرزا قادیانی کا دجل و فریب)

۱۳۲… ’’اور ایسا ہی آیت ’’ ومنکم من یتوفی ومنکم من یرد الیٰ ارزل العمر ‘‘ سے حضرت عیسیٰ علیہ السلام کی موت ثابت ہوتی ہے۔‘‘
(ایام الصلح ص۱۴۰، خزائن ج۱۴ ص۳۸۵)
ابوعبیدہ: جھوٹ محض ہے۔ اس آیت کا حضرت عیسیٰ علیہ السلام سے کوئی تعلق نہیں سکھا شاہی اچھی نہیں۔ ابھی تک حضرت عیسیٰ علیہ السلام کی عمر حضرت خضر علیہ السلام سے زیادہ تو نہیں۔ حالانکہ خضر علیہ السلام کو حضرت شیخ عبدالقادر جیلانیؒ کی زندگی تک آپ بھی زندہ مانتے ہیں۔ (ازالہ اشتہار ص۵، خزائن ج۳ ص۴۲۹) پر آپ نے اپنے خلیفہ اوّل کا مضمون نقل کیا ہے۔ اس میں حضرت خضر علیہ السلام زندہ تسلیم کئے گئے ہیں۔ جو دوہزار سال سے بھی اوپر بنتے ہیں۔

 

[محمدابوبکرصدیق]

کذبات مرزا ’’ایام الصلح‘‘ 133 (من نعمرہ ننکسہ فی الخلق اور مرزا کا دجل و فریب)

۱۳۳… ’’ایسا ہی ’’ من نعمرہ ننکسہ فی الخلق ‘‘ سے حضرت عیسیٰ علیہ السلام کی موت ثابت ہوتی ہے۔ کیونکہ جب کہ بموجب تصریح اس آیت کے ایک شخص جو نوے یا سو برس تک پہنچ گیا ہو۔ اس کی پیدائش اس قدر الٹ دی جاتی ہے کہ تمام حواس ظاہریہ وباطنیہ قریب الفقدان یا مفقود ہو جاتے ہیں۔‘‘
(ایام الصلح ص۱۴۱، خزائن ج۱۴ ص۳۸۶)
ابوعبیدہ: اوپر والے جھوٹ کا جواب مکرر پڑھ لیا جائے۔ باوجود اس کے کہ حضرت خضر علیہ السلام دو ہزار سال سے بھی زیادہ عمر کے ہوچکے ہیں۔ ان کو مرزاقادیانی اور ان کے خلیفہ صاحب کیوں زندہ تسلیم کرتے ہیں؟

 

[محمدابوبکرصدیق]

کذبات مرزا ’’ایام الصلح‘‘ 134 (حضرت عیسیؑ کی وفات تمام نبیوں سے زیادہ ثابت ہے)

۱۳۴… ’’اگر سچی گواہی دی جائے تو حضرت عیسیٰ علیہ السلام کا وفات پانا تمام نبیوں کی وفات سے زیادہ ترثابت ہے۔‘‘
(ایام الصلح ص۱۴۱، خزائن ۱۴ ص۳۸۷)
ابوعبیدہ: پھر آپ اس قدر تصریح کے بعد کیوں ۵۲سال تک بزمانہ مجددیت انہیں زندہ آسمان پر مانتے رہے۔
(براہین احمدیہ ص۴۹۸،۵۰۵، خزائن ج۱ ص۵۹۳،۶۰۲)