کذبات مرزا "مصنف مولانا ابوعبیدہؒ"

[محمدابوبکرصدیق]

مرزا غلام احمد قادیانی کے جھوٹ( جھوٹ ۳۶… علم نحو میں توفی کے معنی)

’’علم نحو میں صریح یہ قاعدہ مانا گیا ہے کہ توفی کے لفظ ہیں۔ جہاں خدا فاعل اور انسان مفعول بہ ہو ہمیشہ اس جگہ توفی کے معنی مارنے اور روح قبض کرنے کے آتے ہیں۔‘‘
(تحفہ گولڑویہ ص۴۵، خزائن ج۱۷ ص۱۶۲)
ابوعبیدہ: افسوس کوئی صاحب علم قادیانی یا لاہوری نہیں پوچھتا کہ حضرت جی یہ قاعدہ کہاں لکھا ہے؟ مرزاقادیانی کا یہ سفید نہیں بلکہ سیاہ جھوٹ ہے۔

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۳۷… کتاب براہین احمدیہ کے متعلق جھوٹ)

’’یہ کتاب (براہین احمدیہ) تین سو محکم اور قوی دلائل حقیقت اسلام اور اصول اسلام پر مشتمل ہے۔‘‘
(براہین احمدیہ ج۲ ص۱۳۶، خزائن ج۱ ص۱۲۹)
’’ہم نے صدہا طرح کا فطور اور فساد دیکھ کر کتاب براہین احمدیہ کو تالیف کیا تھا اور کتاب موصوف میں تین سو مضبوط اور محکم عقلی دلیل سے صداقت اسلام کو فی الحقیقت آفتاب سے بھی زیادہ تر روشن دکھلایا گیا۔‘‘
(براہین احمدیہ ج۲ ص ب، خزائن ج۱ ص۶۲)
ابوعبیدہ: حضرات براہین احمدیہ شائع ہوچکی ہے۔ اس میں تین سو کی بجائے صرف ۱۰دلیلیں بھی اگر دکھا دو تو تین صد روپیہ انعام پاؤ ورنہ توبہ کرو۔ مرزاقادیانی کے پیچھے لگنے سے تمہارا مطلب اگر کوئی دنیوی نہ تھا تو پھر ایسے جھوٹ بولنے والے سے کنارہ پکڑو۔

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۳۸… زندہ کرنے اور مرنے کی طاقت)

’’ واعطیت صفۃ الاحیاء والافناء ‘‘
(خطبہ الہامیہ ص۵۶، خزائن ج۱۶ ص ایضاً)
’’یعنی مجھے مردوں کو زندہ کرنے اور زندوں کو مارنے کی طاقت دی گئی ہے۔‘‘
ابوعبیدہ: حضرات! کون بیوقوف ہے جو اس دعویٰ کو مراق کا نتیجہ نہ سمجھے گا۔ مرزاقادیانی نے کس مردے کوزندہ کیا اور کس زندہ کو مردہ کیا؟ ایک سلطان محمد کو فنا کر کے اپنی منکوحہ آسمانی بھی واپس نہ لاسکے؟ ’’ فافہموا ایہا الناظرون ‘‘

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۳۹… بنی اسرائیل میں موسی علیہ السلام کی پیروی)

’’بنی اسرائیل میں اگرچہ بہت سے نبی آئے۔ مگر ان کی نبوت موسیٰ کی پیروی کا نتیجہ نہ تھا۔ حضرت موسیٰ علیہ السلام کی پیروی کا اس میں ذرہ بھی دخل نہ تھا۔‘‘
(حقیقت الوحی ص۹۷ حاشیہ، خزائن ج۲۲ ص۱۰۰)
ابوعبیدہ: دیکھئے حضرات! کس زور سے ثابت کر رہے ہیں کہ اگلے نبیوں کی نبوت موسیٰ علیہ السلام کی پیروی کا نتیجہ نہ تھا۔ حالانکہ یہ بالکل جھوٹ ہے۔ دروغ گورا حافظہ نباشد!
خود (الحکم مورخہ ۲۴؍نومبر ۱۹۰۲ء ص۵) پر لکھتے ہیں: ’’حضرت موسیٰ علیہ السلام کے اتباع سے ان کی امت میں ہزاروں نبی آئے۔‘‘

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۴۰… صاحب نبوت امتی ہو سکتا ہے یا نہیں؟؟)

’’صاحب نبوت تامہ ہرگز امتی نہیں ہوسکتا اور جو شخص کامل طور پر رسول اﷲ کہلاتا ہے۔ اس کا کامل طور پر دوسرے نبی کا مطیع اور امتی ہو جانا نصوص قرآنیہ اور حدیثیہ کی رو سے بالکل ممتنع ہے۔‘‘ اﷲتعالیٰ فرماتا ہے: ’’ وما ارسلنا من رسول الا لیطاع باذن اﷲ ‘‘
(ازالہ حصہ۲ ص۵۶۹، خزائن ج۳ ص۴۰۷)
ابوعبیدہ: مرزاقادیانی کا جھوٹا محض ہونا ان کے اپنے فرزند کی زبان سے سنو۔
’’بعض نادان کہہ دیا کرتے ہیں کہ ایک نبی دوسرے نبی کا متبع نہیں ہوسکتا اور اس کی دلیل یہ دیتے: ’’ وما ارسلنا من رسول الی آخرہ ‘‘ لیکن یہ سب قلت تدبر ہے۔‘‘
(حقیقت النبوۃ ص۱۵۵)

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۴۱… محمدی بیگم کی پیشنگوئی پر اقوال)

’’خدا نے فرمایا کہ میں اس عورت (محمدی بیگم) کو اس کے نکاح کے بعد واپس لاؤں گا اور تجھے دوں گا اور میری تقدیر کبھی نہیں بدلے گی اور میرے آگے کوئی بات انہونی نہیں اور میں سب روکوں کو اٹھادوں گا جو اس حکم کے نفاذ سے مانع ہوں۔ اب اس پیش گوئی سے ظاہر ہے کہ وہ کیاکیا کرے گا اور کون کون سی قہری قدرت دکھلائے گا اور کس کس شخص کو روک کی طرح سمجھ کر اس دنیا سے اٹھالے گا۔‘‘
(تبلیغ رسالت حصہ۳ ص۱۱۵، مجموعہ اشتہارات ج۲ ص۴۳)
ابوعبیدہ: حضرات! مسلمان تو کہتے ہی ہیں کہ یہ تمام الہامات خدا کی طرف سے نہ تھے۔ بلکہ ایجاد مرزاقادیانی تھے۔ اس کے متعلق مرزاقادیانی کے فرزند وخلیفہ میاں محمود کا فیصلہ سنئے۔ ’’اﷲتعالیٰ کا کوئی وعدہ نہیں تھا کہ وہ لڑکی (محمدی بیگم) آپ کے (مرزاقادیانی کے) نکاح میں آئے گی۔ پھر ہرگز یہ نہیں بتایا گیا کہ کوئی روک ڈالے گا تو وہ دور کیا جائے گا۔‘‘
(الفضل مورخہ ۲؍اگست ۱۹۲۴ء ص۵، ج۱۲ نمبر۱۰۱)
احمدی دوستو! اس پر میں کچھ اضافہ نہیں کرنا چاہتا۔ نبی اور نبی زادہ خلیفہ کے الفاظ پڑھو اور اپنا سر پیٹو۔

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۴۲… شاہ ولی اللہ پر ایک کھلا جھوٹ)

’’سلف صالحین میں سے بہت سے صاحب مکاشفات مسیح کے آنے کا وقت چودھویں صدی کا شروع سال بتلا گئے ہیں۔ چنانچہ شاہ ولی اﷲ صاحب کی بھی یہی رائے ہے۔‘‘
(ازالہ اوہام ص۱۸۴، خزائن ج۳ ص۱۸۸)
ابوعبیدہ: بالکل جھوٹ شاہ ولی اﷲ صاحب محدث دہلویؒ نے کہیں کسی کتاب میں ایسا نہیں لکھا۔ اگر لکھا ہے تو کوئی صاحب دکھا کر انعام مقررہ وصول کرے۔ ورنہ توبہ کرے مرزاقادیانی کی مریدی سے۔

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۴۳… عیسی علیہ السلام کا فاحشہ عورتوں سے میل جول(معاذاللہ))

’’قرآن شریف میں عیسیٰ علیہ السلام کے لئے حصور کا لفظ نہیں بولا گیا۔ کیونکہ وہ شراب پیا کرتے تھے اور فاحشہ عورتیں اور رنڈیاں اس کے سر پر عطر ملا کرتی تھیں اور اس کے بدن کو چھوا کرتی تھیں۔‘‘
(دافع البلاء ملخص، خزائن ج۱۸ ص۲۲۰)
ابوعبیدہ: دیکھا قادیانی دوستو! آپ کے مرزاقادیانی کے نزدیک خدا کا ایک اولوالعزم نبی بننا اور ساتھ ہی شرابی اور فاحشہ عورتوں کے ساتھ خلط ملط کرنا بھی ممکن ہے۔ مرزاقادیانی کا دعویٰ مثیل مسیح ہونے کا بھی ہے۔ کیا ہم کہہ سکتے ہیں کہ مرزاقادیانی بھی اسی رنگ میں ان کے مثیل تھے۔ جب کہ قرآن نے مرزاقادیانی کی تفسیر کے مطابق عیسیٰ علیہ السلام کا شرابی ہونا بتلا دیا ہے تو مرزاقادیانی مثیل مسیح کا شرابی اور رنڈی باز ہونا تو فخر کی بات ہوگی۔

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۴۴… طاعون زدہ علاقوں میں رہنا یا نہ رہنا)

’’طاعون زدہ علاقہ سے باہر نکلنا ممنوع ہے۔‘‘
(اشتہار لنگر خانہ مجموعہ اشتہارات ج۳ ص۴۶۷)
’’طاعون زدہ علاقہ میں رہنا ممنوع ہے۔‘‘
(ریویو ج۶ نمبر۹ ص۳۶۵، ماہ ستمبر ۱۹۰۷ء)
ابوعبیدہ: اے قادیانیت کے علمبردارو کیا کذب اور اختلاف بیانی کوئی اور چیز ہے۔

 

[محمدابوبکرصدیق]

مرزا غلام احمد قادیانی کے جھوٹ(جھوٹ ۴۵… قادیان طاعون سے محفوظ یا نہیں)

’’قادیانی طاعون سے اس لئے محفوظ رکھی گئی کہ خدا کا رسول اور فرستادہ قادیان میں تھا۔ بلکہ آج تک جو شخص طاعون زدہ باہر سے قادیان میں آیا وہ بھی اچھا ہوگیا۔‘‘
(دافع البلاء ص۵، خزائن ج۱۸ ص۲۲۶)
ابوعبیدہ: بتلائیے حضرات! اس عبارت سے صاف ظاہر نہیں کہ قادیان میں نہ طاعون آئی اور نہ آئے گی۔ لیکن ہوا کیا سنئے اور بالفاظ مرزاقادیانی سنئے۔ ’’ایک دفعہ کسی قدرت شدت سے طاعون قادیان میں ہوئی تھی۔‘‘
(حقیقت الوحی ص۲۳۲، خزائن ج۲۲ ص۲۴۴)
’’طاعون کے دنوں میں جب کہ قادیان میں طاعون زور پر تھا۔ میرا لڑکا شریف احمد بیمار ہوا۔‘‘ (حقیقت الوحی ص۸۴، خزائن ج۲۲ ص۸۷) بتلائیے جھوٹ میں کسی تاویل کی گنجائش ہے؟